Main Menu

સુરતમાં અલ્‍પેશ કથીરીયાનાં સમર્થનમાં મહિલાઓ મેદાનમાં આવી  

              પાટીદાર અનામત આંદોલન સુરતના કન્‍વીનર અલ્‍પેશ કથીરીયાની રાજદ્રોહના કેસમાં અમદાવાદથી ધરપકડ કરીને હાલ સાબરમતી જેલમાં છે. જેઓની જેલમુકિતને લઈને વારંવાર કાર્યક્રમો પાસ દ્વારા થતા હોય છે. પણ આજે અલ્‍પેશની જેલ મુકિત માટે સુરતના મહિલા મંડળે ઝુંબેશ ચાલુ કરી છે. મહિલા મંડળે ઝરણા વિરાણી દ્વારા અલ્‍પેશની જેલ મુકિતને લઈને એક જબરદસ્‍ત રંગોળીના રૂપમાં અલ્‍પેશનું ચિત્ર દોરાવ્‍યું અને મુખ્‍ય અતિથિ તરીકે અલ્‍પેશના માતુશ્રીને બોલાવીને સત્‍સંગ રાખવામાં આવ્‍યો અને સત્‍સંગ દરમિયાન મીડિયા દ્વારા નીતાબેન વિરાણીએ કહયું કે સરકાર અમારા પાટીદાર સાવજ એવા અલ્‍પેશભાઈને ખોટા કેસમાં જેલમાં પુરીને અમારી જે દિવાળીબગાડી છે તે બાબતે અમે સરકારની ર019ની ચૂંટણીને ઘ્‍યાનમાં રાખીને તેઓની હોળી બગાડીશું. પાટીદાર સમાજ અલ્‍પેશની જેલ મુકિત થશે ત્‍યારે જ દિવાળી મનાવશે. સરકારને ર019માં જીવિત રહેવું હોય તો અલ્‍પેશની જેલ મુકિત વગર સરકાર પણ જીવિત રહી શકશે નહીં. આજ સુરતના ખોડીયાર નગરમાં સત્‍સંગનો કાર્યક્રમ થયો છે તે એક માત્ર ટેલર છે પણ આગામી 19 તારીખે અલ્‍પેશ બહાર નહીં આવે તો આખા ગુજરાતમાં મહિલા મોરચો નીકળશે અને અલ્‍પેશની જેલ મુકિત માટે ગામડે ગામડે જેલ મુકતની ઝુંબેશ ચાલશે તેવું ખોડીયાર નગરના નિવાસી નીતાબેન વિરાણીએ નિવેદન આપ્‍યું હતું.