Main Menu

દિવ્‍યાંગજનોનાં વિવિધ પ્રશ્‍નો અંગે કલેકટરને રજૂઆત કરાઈ

એક ડઝન જેટલા પ્રશ્‍નોનું નિરાકરણ માંગ્‍યું

અમરેલી, તા.1

દિવ્‍યાંગજનોનાં પ્રાણ પ્રશ્‍નો અંગે જનસેવા ચેરીટેબલ ટ્રસ્‍ટ દ્વારાકલેકટરને આવેદનપત્ર પાઠવવામાં આવ્‍યું હતું.

આવેદન પત્રમાં જણાવેલ છે કે,  દિવ્‍યાંગોને મળતા લાભમાં રહેલી વિસંગતતા દૂર કરવી. દિવ્‍યાંગોને અમુક લાભ બી.પી.એલ. યાદીમાં 0 થી 16ના સ્‍કોરમાં આવે તેમને જ મળવા પાત્ર છે. તો તે દૂર કરવા અથવા દરેક દિવ્‍યાંગોને 0 થી 1ના સ્‍કોરમાં બી.પી.એલ.માં સમાવવા. દિવ્‍યાંગોને નોકરીમાં જે 3% અનામત મળે છે તેમાં વધારો કરવો. કારણ કે તેમ વિકલાંગતાની શ્રેણીમાં ઘણા પ્રકારના દિવ્‍યાંગોનો સમાવેશ કરાયેલો છે. જે પ્રમાણમાં 3% ખૂબ જ ઓછુ પ્રમાણ છે. તો આ પ્રમાણમાં વધારો કરવો અને અમુક જગ્‍યાઓમાં ફકત દિવ્‍યાંગોને જ નોકરી આપો. હાલમાં નોકરીમાં ફિકસ પગાર ધોરણ છે તે દિવ્‍યાંગોને તેમાંથી મુકિત આપી તેમને પૂરો પગાર નોકરીએ રાખવા સહિતની એક ડઝન માંગ કરવામાં આવી હતી.