Main Menu

અમરેલીમાં વેપારીઓએ ‘‘ઓનલાઈન” વેપારનો કર્યો વિરોધ

ખેડૂતો, રત્‍નકલાકારો, શ્રમજીવીઓ, બેરોજગારો બાદ હવે વેપારીઓમાં રોષ

અમરેલીમાં વેપારીઓએ ‘‘ઓનલાઈન” વેપારનો કર્યો વિરોધ

ઈલેકટ્રોનીકસ, ગારમેન્‍ટ, કાપડ, ફુટવેર સહિતનાં વેપારીઓ નવરાધુપ બન્‍યા

અમરેલી, તા. 31

અમરેલીનાં ડો. જીવરાજ મહેતા ચોકમાં આજે શહેરનાં ગણમાન્‍ય તમામ કે જેમાં ઈલેકટ્રોનીકસ, ગારમેન્‍ટ, કાપડ, ફુટવેર સહિતનાં વેપારીઓએ ઓનલાઈન વેપારનાં વિરોધમાં ર કલાક માટે પ્રતિક વિરોધ કાર્યક્રમ ભાજપ અગ્રણી ડો. ભરત કાનાબારનાં નેતૃત્‍વમાં કર્યો હતો.

વેપારીઓએ જણાવ્‍યું હતું કે, ઓનલાઈન વેપારનું પ્રમાણ વધી જતાં વેપાર-ધંધામાં જબ્‍બરો ઘટાડો થયો છે. ટર્નઓવર અટકી પડયા છે. તો નાના અને મઘ્‍યમકક્ષાનાં વેપારીઓ પણ ક્રમશઃ દેવામાં ડૂબી રહૃાા હોય સરકારે ભભઓનલાઈનભભ વેચાણ સામે ગંભીરતાથી વિચારવું જોઈએ.

શહેરનાં ખ્‍યાતનામ વેપારીઓને હિંમત અને હુંફ આપવા માટે વિપક્ષી નેતા પરેશ ધાનાણી પણ આવી પહોંચ્‍યા હતા. કાર્યક્રમને સફળ બનાવવા માટે હાર્દિક સેજલીયા, મુકુંદભાઈ, ગીરીશભાઈ ભટ્ટ, પરેશ હિંગુ વિગેરે વેપારીઓએ જહેમત ઉઠાવી હતી.