Main Menu

અમરેલીમાં ‘રન ફોર યુનિટી’ રેલીને કલેકટરે લીલી ઝંડી આપી   

             સરદાર પટેલ જન્‍મુ જયંતી-રાષ્ટ્રીય એકતા દિન નિમિતે રન ફોર યુનિટીનું આયોજન કરવામાં આવે છે. અમરેલી જિલ્લા વહીવટી તંત્ર દ્વારા રન ફોર યુનિટીનું આયોજન કરવામાં આવ્‍યું હતુ. અમરેલી સ્‍થિત પોલીસ હેડકવાર્ટસ ખાતેયોજવામાં આવેલ રન ફોર યુનિટી રેલીનું પ્રસ્‍થાન કલેકટર આયુષ ઓકે લીલી ઝંડી આપી કરાવ્‍યું હતુ. આ કાર્યક્રમમાં જિલ્લા  વિકાસ અધિકારી યોગેશ નિરગુડે, જિલ્લા પોલીસ અધિકારી નિર્લિપ્ત રાય, અમરેલી પ્રાંત અધિકારી ડી.એન. સતાણી, નાયબ જિલ્લા પોલીસ અધિકારી દેસાઇ, જિલ્લા ખેતીવાડી અધિકારી પટેલ, અમરેલી મામલતદાર, નાયબ મામલતદાર પાઠક, ભીમાણી, અગ્રણી કૌશિકભાઇ વેકરીયા સહિતના જોડાયા હતા. રન ફોર યુનિટી રેલી અમરેલી શહેરના પોલીસ હેડકવાર્ટસથી સરદાર સર્કલ, નાગનાથ, રાજકમલ, કાશ્‍મીરા ચોક, ગર્લ્‍સ સ્‍કુલ અને ગાંધીબાગ સહિતના મુખ્‍યસ માર્ગો પર ફરી હતી. રન ફોર યુનિટી રેલીમાં પોલીસ જવાનો, અધિકારી-કર્મચારીઓ, શિક્ષકો, વિદ્યાર્થીઓ સહિતના જોડાયા હતા. કાર્યક્રમનું સંચાલન પ્રકાશ જોષીએ કર્યુ હતુ.