Main Menu

અમરેલી જિલ્‍લામાં કરૂણા એનિમલ એમ્‍બ્‍યુલન્‍સ 196રથી કાર્યરત

               રાજય સરકારે મૂંગા પશુ જીવોને ઈજા કે બીમારીમાં તત્‍કાલ સારવાર ઉપલબ્‍ધ કરાવતી કરૂણા એનિમલ એમ્‍બ્‍યુલન્‍સ 196રનો રાજયના ર6 જિલ્‍લામાં ગાંધીનગરથી પ્રારંભ કરાવ્‍યો હતો. સંવેદનાથી જેમ માનવ જીવોને અકસ્‍માત જેવા આપતકાલમાં મદદ માટે 108 જી.વી.કે. ઈ.એમ.આર.આઈ એમ્‍બ્‍યુલન્‍સ શરૂ કરી છે તેજ રીતે અબોલ પશુજીવો માટે કરૂણા એનિમલ એમ્‍બ્‍યુલન્‍સ 196ર અમરેલી જિલ્‍લામાં શરૂ કરવામાં આવી છે. અગાઉ તો કોઈ પશુ બીમાર હોય, ઈજા પામેલું હોય અને રસ્‍તા ઉપર કણસતું હોય તો કોઈ જીવદયા પ્રેમી તેની સારવાર વ્‍યવસ્‍થા કરતા પણ હવે સરકાર સ્‍વયં આવા મૂંગા જીવોની વ્‍હારે આવી છે. કરૂણા એનિમલ એમ્‍બ્‍યુલન્‍સ196ર ટોલ ફ્રી નંબર પશુજીવોની સારવાર સુશ્રુષાની જીવન સંજીવની બનશે. તા.30/10ના રોજ અમરેલી કલેકટર કચેરી ખાતે અમરેલી જિલ્‍લા કલેકટર આયુષ ઓક તથા જિલ્‍લાવિકાસ અધિકારી યોગેશ નિરગુડે અમરેલી જિલ્‍લામાં શરૂ થયેલી 196ર કરૂણા એનિમલ એમ્‍બ્‍યુલન્‍સની મુલાકાત કરી હતી અને અત્‍યાર સુધીમાં કરૂણા એનિમલ એમ્‍બ્‍યુલન્‍સ દ્વારા કરવામાં આવેલ કામગીરીની માહિતી મેળવી હતી અને કરૂણા એનિમલ એમ્‍બ્‍યુલન્‍સમાં ઉપલબ્‍ધ સુવિધાની જાણકારી મેળવી હતી. અને આ ટીમને પ્રોત્‍સાહન પુરૂ પાડીને વધારે સારી કામગીરી કરે એવી શુભેચ્‍છા આપી હતી. આ મુલાકાત દરમિયાન 108 જી.વી.કે. ઈ.એમ.આર.આઈ.ના પ્રોગ્રામ મેનેજર જયેશ કારેણા તથા જિલ્‍લા અધિકારી યોગેશ જાની 196ર એનિમલ એમ્‍બ્‍યુલન્‍સ પશુ ચિકિત્‍સક અધિકારી ડો. યશ બામટા તથા પાઈલોટ દિવ્‍યેશ ભરાડ તેમજ પશુપાલન વિભાગ અમરેલીમાંથી પશુપાલન નિયામક ડો. ભાડજા હાજર રહયા હતા. હવે પછી કરૂણા એનિમલ એમ્‍બ્‍યુલન્‍સ 196રની સેવા અવિરતપણે મળી રહેશે.