Main Menu

ભૈવાહ : બાબરામાં પાલિકાની મંજુરી વગર માર્ગોને તોડી પાડનાર સામે લાલ આંખ

બાબરા, તા. ર7

બાબરાના નગરપાલિકાની પુર્વ મંજુરી વગર મોટાભાગનાવિસ્‍તારોમાં નળ કનેકશન અથવા તો ગટરના કનેકશન મેળવવા લોકો પાલીકા દ્વારા બનાવવામાં આવેલ રોડ રસ્‍તાઓનું બે ફામ ખોદકામ કરી નાખે છે. અહી રોડ રસ્‍તાઓનું ખોદ કામ કર્યા બાદ માર્ગો બિસ્‍માર બને છે.

ત્‍યારે અહી નગરપાલિકાના વોર્ડ નંબર એકમાં સ્‍થાનિક રહીશ દ્વારા ગટરનું કનેકશન મેળવવા ર0 મીટરનો બ્‍લોગ રોગ નગરપાલિકાની પુર્વ મંજુરી વગર ખોદી નાખતા નગરપાલિકાના સતાધીશો હરકતમાં આવ્‍યા હતા.

પાલીકા પ્રમુખ વનરાજભાઈને વાતની જાણ થતા તેઓ ચીફ ઓફિસર, તેમજ એન્‍જીયનરને લય ઘટના સ્‍થળે દોડી ગયા હતા. જે સ્‍થાનિક રહીશો દ્વારા બ્‍લોગ રોડ ખોદવામાં આવ્‍યો છે. તે તમામ વિરૂઘ્‍ધ યોગ્‍ય કાર્યવાહી કરવાની સૂચના આપતા ચીફ ઓફિસર દ્વારા તાત્‍કાલિક અસરથી અહીં રહીશોને બ્‍લોગની નુકશાની પેટે અઢારનું નુકશાનની ભરપાઈ કરવાની નોટિસ પાઠવી છે. જો દિવસ બે પુરતો દંડ નહિ ભરવામાં આવે તો નગરપાલિકા દ્વારા સ્‍થાનિક રહીશો વિરૂઘ્‍ધ કાયદેસરની કાર્યવાહી કરવામાં આવશે તેમ ચીફ ઓફિસર એન.કે.પંડયા દ્વારા જણાવ્‍યું છે.

આ બાબતે નગરપાલિકાના પ્રમુખએ જણાવ્‍યું તું કે પાલિકાની હદમાં આવેલ કોઈપણ રોડ રસ્‍તાઓ નગરપાલિકાની પુર્વ મંજુરી વગર ખોદવામાં આવશે તો જરૂરી તમામ કડક કાર્યવાહી કરવામાં આવશે નગરપાલિકાની મંજુરી વગર પાણી કે ગટરના કોઈપણકનેકશન લેવામાં આવ્‍યા હશે તો તેને દુર કરી યોગ્‍ય કાર્યવાહી કરાશે.

પાલીકા પ્રમુખએ નગરજનોને પણ અપીલ કરતા જણાવ્‍યું છે કે આપણા વિસ્‍તારોમાં રોડ રસ્‍તાઓનું પાલીકાની મંજુરી વગર ખોદકામ કરવામાં આવતું હોય તો નગરપાલિકાની કચેરી અથવા તો પાલીકા પ્રમુખનું મદદ કાર્યાલયમાં જણાવવામાં જાહેર અનુરોધ કર્યો છે.