Main Menu

વડીયા પંથકમાં ‘સ્‍ટેચ્‍યુ ઓફ યુનિટી’ એકતાયાત્રાનું સ્‍વાગત

અમરાપુરથી નાજાપુર ગામે પણ એકતા યાત્રાનું સ્‍વાગત કરવામાં આવેલ હતું. બાદમાં મોટી કુંકાવાવ ગામે શાળાના બાળકો દ્વારા વલ્‍લભભાઈ પટેલના સ્‍ટેચ્‍યુને ફૂલહાર કરી સન્‍માન કરેલ હતું. આજ રીતે તોરી, ખાનખીજડીયા, ઢુંઢીયા પીપળીયા અને બાટવાદેવળી બાદમાં વડીયા ખાતે પહોંચેલ હતી. જયાં વડીયાની તમામ શાળાના વિદ્યાર્થીઓ દ્વારા અખંડ ભારતની આગવી વૈશ્‍વિક ઓળખ ધરાવતા સ્‍ટેચ્‍યુ ઓફ યુનિટીનું ઉષ્‍માભેર સ્‍વાગત કરવામાં આવેલ હતું. આ તકે શાળાની વિદ્યાર્થીનીઓ દ્વારા ફૂલહાર તેમજ પૂજા અર્ચના કરી વડીયા ગ્રામ પંચાયતના પટાંગણમાં નાની બાળાઓ દ્વારા નૃત્‍યનું આયોજન કરેલ. આ તકે સાંસદ નારણભાઈ કાછડીયા, કુંકાવાવ તાલુકા પંચાયતના ટી.ડી.ઓ. મિલન રાઉ, વડીયા મામલતદાર તેમજ ભાજપના મોટી સંખ્‍યામાં પધારેલા આગેવાનોનું પણ સન્‍માન કરવામાં આવેલ. જેમાં ગોપાલભાઈ અંટાળા, શૈલેષભાઈ ઠુંમર, બાવાલાલ મોવલીયા તેમજ વડીયા સરપંચપતિ છગનભાઈ ઢોલરીયા, માજી સરપંચ વિપુલભાઈ રાક સહિતના આગેવાનો જોડાયા હતા. વડીયા એકતા રથ દેવળકી ગામે નાઈટ વોલ્‍ટ કરશે અને ત્‍યાં નાની બાળાઓ દ્વારા રાત્રીના સમયે રાસગરબાલેશે.



(Next News) »