Main Menu

સાવરકુંડલાનાં કોંગી ધારાસભ્‍ય બનશે લોકસભાનાં ઉમેદવાર ? : ભાજપ અને કોંગીનાં આગેવાનો વચ્‍ચે ખાનગીમાં કંઈક રંધાયું હોવાની પણ ચર્ચા

પરેશ ધાનાણી સહિતનાં અન્‍ય દાવેદારોનાં નામ રહી ગયા પાછળ

અમરેલી, તા. રર

પાટીદારોનાં ગઢ સમાન ગણાતી અમરેલી લોકસભા બેઠક જાળવી રાખવી ભાજપ માટે માથાના દુઃખાવારૂપ માનવામાં આવી રહી છે. તેવા જ સમયે કોંગી ઉમેદવાર તરીકે સાવરકુંડલાનાં ધારાસભ્‍ય પ્રતાપ દુધાતનું નામ ચર્ચામાં આવતાં ભાજપ-કોંગી આગેવાનો વચ્‍ચે કંઈક રંધાયું હોવાનું સૌ ચર્ચી રહૃાું છે.

અમરેલી બેઠક માટે પરેશ ધાનાણી, જેની ઠુંમર અને કોકીલાબેન કાકડીયાનાં નામ ચર્ચામાં હતા તેવા જ સમયે સાવરકુંડલાનાં ધારાસભ્‍યનું નામ આગળ આવી જતાં જિલ્‍લાનાં કોંગી કાર્યકરો અને આગેવાનો પણ દિગ્‍મુઢ બની ગયા છે કે, સાવરકુંડલાનાં ધારાસભ્‍ય તેમના મત વિસ્‍તારની પાલિકા જાળવી શકયા નથી કે તાલુકા પંચાયતની ઘાંડલા સીટ પણ જીતાડી શકયા ન હોય તો કેવી રીતે કોંગી હાઈકમાન્‍ડ તે માટે ગંભીર બને તે સમજાતું નથી.

ભાજપનાં ચાણકય ગણાતા આગેવાનો કોઈ પણ સંજોગોમાં અમરેલી બેઠક જાળવી રાખવા મકકમ બન્‍યા હોય અને પરેશ ધાનાણી જો કોંગ્રેસનાં ઉમેદવાર બને તો વિજેતા થવું ભાજપને ભારે પડે તેમ હોય તેવા જસમયે પરેશ ધાનાણી પણ દાવેદારીમાંથી બહાર નીકળી જતાં કોંગ્રેસનાં વફાદાર કાર્યકરો અને આગેવાનોમાં પણ કોંગી નેતાઓની કાર્યશૈલી ચર્ચાસ્‍પદ             બની છે.

જો કે સાવરકુંડલાનાં કોંગી ધારાસભ્‍યને ખરેખર કોંગ્રેસ પક્ષ લોકસભાનાં ઉમેદવાર બનાવે છે કે માત્ર અફવા ચાલી છે તે માટે સમયની રાહ જોવી જરૂરી બની છે.