Main Menu

અમરેલી જિલ્‍લામાંથી અનેક પરિવારોની સ્‍થળાંતરની સંભાવના

નોટબંધી, જીએસટી અને હવે દુષ્‍કાળનાં કારણે આર્થિક તંત્ર બેહાલ

અમરેલી જિલ્‍લામાંથી અનેક પરિવારોની સ્‍થળાંતરની સંભાવના

જિલ્‍લાનું સમગ્ર અર્થતંત્ર કૃષિ આધારિત હોવાથી અપૂરતા વરસાદથી સૌ કોઈ ચિંતામગ્ન

જિલ્‍લાનાં ગ્રામ્‍ય વિસ્‍તારમાં પાણી, ઘાસચારોઅને રોજગારીની સમસ્‍યા વિકરાળ બની રહી છે

અમરેલી, તા. રર

અમરેલી જિલ્‍લામાં નોટબંધી, જીએસટી અને હવે દુષ્‍કાળનાં કારણે પીવાનું અને સિંચાઈનું પાણી, ઘાસચારો અને રોજગારીની તકલીફ ઉભી થવાનાં એંધાણ હોય દીપોત્‍સવનાં તહેવારો બાદ સમગ્ર જિલ્‍લામાંથી અનેક પરિવારો અન્‍ય મહાનગરો તરફ સ્‍થળાંતર કરે તો નવાઈ પામવા જેવું નહીં રહે.

જિલ્‍લામાં લઘુ, મઘ્‍યમ અને મહાકાય ઉદ્યોગોની સ્‍થાપના કરવામાં રાજકીય આગેવાનો સદંતર નિષ્‍ફળ રહૃાા છે. દરેક તાલુકા મથકોએ જીઆઈડીસીની સ્‍થાપના કરવામા આવી નથી. હીરા ઉદ્યોગમાં એક દાયકાથી મંદીનો માહોલ હોય, ઓનલાઈન વેપારથી નાના-મોટા વેપારીઓ નવરાધૂપ બન્‍યા હોય, સમગ્ર અર્થતંત્ર કૃષિ આધારિત હોય અને તેમાં અપૂરતો વરસાદ થતાં જિલ્‍લામાં આર્થિક મંદી વિકરાળરૂપ ધારણ કરે તે એંધાણ સ્‍પષ્‍ટ જોવા    મળી રહૃાા છે.

તદ્યઉપરાંત, જિલ્‍લામાં રોમિયોગીરી, વ્‍યાજખોરી, ચોરી, લૂંટ, ધાકધમકી જેવા બનાવોથી સજજન પરિવારોમાં ચિંતાનો માહોલ જોવા      મળી રહૃાો છે. જિલ્‍લામાં શિક્ષણ, આરોગ્‍ય, પરિવહન, માર્ગો સહિત અનેક સમસ્‍યાઓ યથાવત હોવાથી, જિલ્‍લાનાં સેંકડો પરિવારો આગામી દિવસોમાં મહાનગરો તરફ સ્‍થળાંતર કરે તેવું ચિત્ર ઉપસી રહૃાું છે.