Main Menu

આલે લે : કુંકાવાવ મોટી ખાતે આવેલ નાયબ મામલતદાર કચેરીને એક વર્ષથી અલીગઢી તાળા લાગ્‍યા

તાલુકા પંચાયતનાં સદસ્‍યા જયાબેન ગોંડલીયાની કલેકટરનેરજૂઆત

આલે લે : કુંકાવાવ મોટી ખાતે આવેલ નાયબ મામલતદાર કચેરીને એક વર્ષથી અલીગઢી તાળા લાગ્‍યા

ભાજપનાં આગેવાનો રજૂઆત કરી શકતા નથી કોંગીજનોનું કોઈ સાંભળતું નથી

કુંકાવાવ, તા.રર

કુંકાવાવમાં નાયબ મામલતદાર કચેરી છે પણ માત્ર નામની. છેલ્‍લા એક વર્ષથી આ કચેરીમાં તાળા લાગ્‍યા છે. કારણ કે નાયબ મામલતદારની જગ્‍યા ખાલી છે. જેથી અનેક અરજદારો સોગંદનામા સહિતની કામગીરી માટે વડીયા ધકકા ખાવા પડે છે. જયાં નોટરી કરવામાં પણ ર00, પ00 રૂપિયા વસુલાતા હોય જેથી સામાન્‍ય માણસને નાની નાની બાબતોમાં ભારે સમય, શકિત અને રૂપિયાનો ખર્ચ થાય છે. ત્‍યારે આ જગ્‍યા ભરવા માટે તાલુકામાં અને કોંગ્રેસના આગેવાનોએ કલેકટર સહિતનાને લેખીત રજૂઆતો કરી છે. છતાં કોઈ રજૂઆત ઘ્‍યાને લેવામાં આવતી નથી. જયારે ભાજપના આગેવાનો આ માટે રજૂઆત કરવામાં શરમ અનુભવે છે. જેથી કુંકાવાવ અને આસપાસના ગામડાને ભારે મુશ્‍કેલીનો સામનો કરવો પડી રહયો છે. ત્‍યારે આ બાબતે વધુ એક તાલુકા પંચાયતના સદસ્‍યા જયાબેન ગોંડલીયાએ કલેકટરને પત્ર લખીને કુંકાવાવમાં કાયમી નાયબ મામલતદારની નિમણૂંક કરીને કચેરીને કાર્યરત કરવી સત્‍વરે રેવન્‍યુ તલાટીની પણ જગ્‍યા ખાલી હોય તે ભરવા પત્ર લખીને માંગ કરી છે.