Main Menu

અમરેલી જિલ્‍લાનાં તલાટી મંત્રીઓએ આંદોલનનો ધોકો પછાડયો

ગ્રામ સચિવાલયોમાં ગામજનોનાં રોજબરોજનાં કામો અટકી પડયા

તલાટી મંત્રીનાં આંદોલનથી એકતાયાત્રાની જવાબદારી શિક્ષકોને સોંપાતા ચકચાર

અમરેલી જિલ્‍લાનાં તલાટી મંત્રીઓએ આંદોલનનો ધોકો પછાડયો

અમરેલી, તા.

ગુજરાત રાજયનાં હજારો તલાટી મંત્રીઓની સંગાથે અમરેલી જિલ્‍લાનાં પણ 38પથી વધુ તલાટી મંત્રીઓએ વિવિધ માંગને લઈને હડતાલ શરૂ કરતાં ગ્રામ્‍ય સચિવાલયને તાળા લાગી જતાં ગ્રામ્‍ય જનતાનાં રોજબરોજનાં કાર્યો અટકી પડયા હતા.

એક તરફ ભાજપીઓ ગુજરાત રાજયને મોડેલ રાજય તરીકે સમગ્ર દેશમાં પ્રસ્‍તૃત કરી રહૃાા છે તો બીજી તરફ ગુજરાતમાં દિભઉગેને કોઈને કોઈ સંગઠન આંદોલન કરતું જોવા     મળે છે.

રાજયમાં ભાજપ સરકાર ઘ્‍વારા એકતાયાત્રા શરૂ કરવામાં આવી છે. તેવા જ સમયે તલાટી મંત્રીઓએ આંદોલન શરૂ કરતાં અને આંદોલનને સરપંચો પણ સમર્થન કરતાં હોય એકતાયાત્રાની જવાબદારી શિક્ષકોને સોંપવામાં આવતાં શિક્ષણકાર્યને નુકશાન થયાનો કચવાટ ઉભો થયો હતો.

અમરેલી, બાબરા, કુંકાવાવ, રાજુલા સહિતનાં તાલુકા મથકોએ તલાટી મંત્રીઓએ વિવિધ માંગોને લઈને સુત્રોચ્‍ચાર કર્યા હતા અને રાજય સરકાર વ્‍યાજબી માંગ નહી સંતોષે તો આગામી દિવસોમાં આક્રમક કાર્યક્રમો કરવાની ચીમકી આપવામાં આવી હતી.