Main Menu

અમરેલી તાલુકા પંચાયતની 6 બેઠકોની ચૂંટણીમાં ફીફટી-ફીફટી

ભાજપને 3 બેઠકો કોંગ્રેસ પાસેથી ઝુંટવી લેવામાં સફળતા મળી

અમરેલી તાલુકા પંચાયતની 6 બેઠકોની ચૂંટણીમાં ફીફટી-ફીફટી

સામાન્‍ય ચૂંટણી વખતે તમામ બેઠકો પર કોંગી વિજેતા થયા હતા : કોંગ્રેસને 3 બેઠકનું નુકશાન

અમરેલી, તા. 9

અમરેલી તાલુકા પંચાયતની પેટા ચૂંટણીઓ ગત રવિવારે યોજાય હતી. થયેલ મતદાનની આજે અત્રેના ડો. આંબેડકર ભવન ખાતે મત ગણતરી હાથ ધરવામાં આવતાં 6 બેઠકો પૈકી ભાજપ અને કોંગ્રેસને 3-3 બેઠકો મળતાં બંને પક્ષોનાં જીતેલા ઉમેદવારોએ વિજય સરઘસ કાઢી જીતની ઉજવણી કરી હતી.

અમરેલીતાલુકા પંચાયતની 6 બેઠકો પૈકી મોટા આંકડીયા બેઠક ઉપર કોંગ્રેસનાં છાયાબેન સોલંકીને 1307 મત મળ્‍યા હતા. જયારે તેમના નજીકનાં હરીફ અને ભાજપનાં ઉમેદવાર પારૂલબેન દેવમુરારીને 1111મત મળતાં કોંગ્રેસના ઉમેદવાર છાયાબેન 196 મતે વિજયી થયા હતા.

જયારે નાના આંકડીયા બેઠક ઉપર ભાજપનાં દેવજીભાઈ ભાસ્‍કરને 113પ મત, કોંગ્રેસનાં સંજયભાઈ ભાસ્‍કરને 770 મત મતા અપક્ષ ઉમેદવાર મુકેશભાઈ મહેતાને 19પ મત મળતાં ભાજપનાં દેવજીભાઈ ભાસ્‍કર 36પ મતે વિજયી જાહેર થયા હતા.

ગાવડકા બેઠક ઉપર કોંગ્રેસનાં નયનાબેન કસવાળાને 1494 મત મળ્‍યા જયારે ભાજપનાં રીનાબેન રીબડીયાને 1134 મત મળતાં કોંગ્રેસના નયનાબેન કસવાળા 360 મતે વિજયી થયા હતા.

જયારે જસવંતગઢ બેઠક ઉપર ભાજપનાં કંચનબેન દેસાઈને 13પ7 મત મળ્‍યા હતા. જયારે કોંગ્રેસનાં રસીલાબેન દેસાઈને 1119 મત મળતા ભાજપનાં કંચનબેન દેસાઈ ર38 મતે વિજયી જાહેર થયા હતા.

જયારે અમરેલીની નજીક આવેલ પ્રતાપપરા બેઠક ઉપર અમર ડેરીનાં ચેરમેન અશ્‍વિન સાવલીયાને ર048 મત મળ્‍યા હતા. જયારે કોંગ્રેસનાં ઉમેદવાર પ્રવિણભાઈ કમાણીને 97પ મત અને અપક્ષને માત્ર રપ મત મળતાં ભાજપનાં અશ્‍વિન સાવલીયા 1073 મતે વિજયી થયા હતા.

વડેરા બેઠક ઉપર તાલુકા પંચાયતનાં પૂર્વ સભ્‍ય અને ભાજપનાં ઉમેદવારપ્રવિણભાઈ માંગરોળીયાને 1667 મત મળ્‍યા હતા. જયારે તેમની સામે વડેરા ગામનાં પૂર્વ સરપંચ કોંગ્રેસના ઉમેદવાર ભરતભાઈ હપાણીને 1789 મત મળતાં કોંગ્રેસનાં ભરતભાઈ હપાણી 9ર મતે વિજયી થયેલ છે.

જયારે સાવરકુંડલા તાલુકા પંચાયતની એકમાત્ર ઘાણલા બેઠક ઉપર ભાજપનાં ઉમેદવાર નંદુબેન વાઘમશીનો વિજય થયો હતો.