Main Menu

અમરેલી તાલુકા પંચાયતની પેટા ચૂંટણીમા વિપક્ષ નેતા ધાનાણીના ગઢના કાંગરા ખેડવતા અશ્‍વિન સાવલીયા

રૂપાલા-સંઘાણીનું માર્ગદર્શન અને કાછડીયા, ઉંધાડ, વેકરીયા, ત્રાપસીયાની મહેનત રંગ લાવી

અમરેલી, તા.9

અમરેલી તાલુકા પંચાયતની પેટા ચૂંટણીએ વિરોધ પક્ષના નેતા પરેશ ધાનાણીના ગઢના કાંગરા હલબલાવી નાખ્‍યાનો ઘાટ ધડાયો છે. પેટા  ચૂંટણીમા કોંગ્રેસની નીતી-રીતીને  જાકારો આપી વિકાસ ઉપર શ્રઘ્‍ધા વ્‍યકત કરી હોય તેમ 6 સીટ માંથી ભાજપએ 3 સીટ ઉપર વિજય પ્રાપ્‍ત કર્યો છે. પેટા ચૂંટણીના પરિણામોથી પરેશભાઈની હોમ પીચ હચમચી ઉઠી છે. પંચાયતની પેટા ચૂંટણીમા ત્રણ સીટ પર ભાજપ વિજયી બનતા પંચાયતમા ભાજપનુ  સંખ્‍યાબળ પણ વઘ્‍યુ છે. કેન્‍દ્રીય મંત્રી પરશોતમભાઈ રૂપાલા,ગુજકોમાસોલના ચેરમેન દિલીપ સંઘાણીનુ માર્ગદર્શન અને સાંસદ નારણભાઈ કાછડીયા, અમર ડેરીના ચેરમેન – ઉમેદવાર અશ્‍વિનભાઈ સાવલીયા, જિલ્‍લા ભાજપ મહામંત્રી કૌશિક વેકરીયા, પૂર્વ ધારાસભ્‍ય બાવકુભાઈ ઉંઘાડ, અમરેલી તાલુકા ભાજપ પ્રમુખ ધનશ્‍યામભાઈ ત્રાપસીયા જહેમત રંગ લાવી હતી. સફળતાને ભાજપ મોવડીઓએ આવકારી અભિનંદન સાથે સ્‍થાનીક કાર્યકરોને પણ બિરદાવ્‍યા હતા.

પ્રતાપપરા એ પરચો બતાવ્‍યો હોય તેમ આ સીટ ઉપર ચૂંટણી લડતા અશ્‍વિનભાઈ સાવલીયા ને વિક્રમી મતોથી જીત અપાવી છે જે નોંધનીય બાબત છે સાથોસાથ  એ પુરવાર કરે છે કે, લોકોને મોદી અને રૂપાણી સરકારની લોકપયોગી યોજનાઓ અને વિકાસમા અતૂટ વિશ્‍વાસ અને શ્રઘ્‍ધા છે.