Main Menu

માત્ર 3 કિ.મી. ડાયવર્ઝનથી અમરેલી જિલ્‍લાને બ્રોડગેજ રેલ્‍વે સુવિધા મળી શકે તેમ છે : સૌરાષ્‍ટ્ર વિકાસ પરિષદે લડત શરૂ કરી

અમરેલી, તા.6

સૌરાષ્‍ટ્ર વિકાસ પરિષદના મહામંત્રી દિલસાદ શેખના જણાવ્‍યા અનુસાર અમરેલીને બ્રોડગેજ રેલ્‍વે સુવિધા આપવા માટે ઘણા વર્ષોથી અમરેલી જિલ્‍લાની જનતા માંગણી કરી રહી છે. ભારત સરકાર ઢાસા, જેતલસર લાઈન બ્રોડગેજ રેલ્‍વેલાઈન મંજુર કરેલ છે. જેમાં ખીજડીયા, ચિતલ, લુણીધાર વગેરે ગામોનો સમાવેશ થાય છે.

અમરેલી જુનાગઢ ટ્રેનમાં વિસાવદર જંકશનમાં આવતા-જતા એન્‍જીન બદલાય છે. તેમ શેડુભારને અમરેલી રોડ જંકશન નામાકરણ કરી શેડુભારમાં ટ્રેનનું એન્‍જીન આવતા-જતા બદલાય અને ટ્રેન તેજ રૂટ ઉપર આગળ જાય જેથી જમીન સંપાદનનો પ્રશ્‍ન નથી વળતર ચુકવવાનો પ્રશ્‍ન જ નથી તેમજ રેલ્‍વેને કોઈ ખર્ચ થાય તેમ નથી. અને ર0 લાખની ગ્રામીણ પ્રજાને આ રેલ્‍વેની સવલતનો લાભ મળે અને રેલ્‍વેને આવકમાં વધારો થાય. ખીજડીયા જંકશનને ફલેગ સ્‍ટેશન કરી નાખે અને તેના સ્‍ટાડને શેડુભાર સ્‍ટેશનને કાર્યરત કરવાથી સ્‍ટાફનો પ્રશ્‍ન ઉપસ્‍થિત ન થાય, જેથી ખીજડીયા જંકશનનો સ્‍ટાફ શેડૂભાર સ્‍ટેશને કામગીરી કરે જેથી નવા સ્‍ટાફની ભરતી કરવાનો પણ કોઈ પ્રશ્‍ન ઉપસ્‍થિત થતો નથી. દિલશાદ શેખનાં વિશેષમાં જણાવ્‍યા અનુસાર માત્ર 3 કિલોમીટરનો ડાયવર્ઝન આપવામાં આવે તો અમરેલી શહેર બ્રોડગ્રેજથી જોડાઈ જશે તે અંગેનો તૈયાર કરેલ નકશો સામેલ છે. અમરેલી જિલ્‍લાના સાંસદ અને અમરેલી આગેવાનો આ બાબતે સત્‍વરે ભાવી સરકારને વહેલી તકે બ્રોડગેજ સુવિદ્યા મળે તે માટે રજુઆત કરવી જરૂરી છે.



(Next News) »