Main Menu

અમરેલી જિલ્‍લાનાં ખેડૂતો, વેપારીઓ સહિત સૌ કોઈ પરેશાન

અપુરતા વરસાદથી જિલ્‍લાનું સમગ્ર ચિત્ર ચિંતાજનક બની રહૃાું છે

અમરેલી જિલ્‍લાનાં ખેડૂતો, વેપારીઓ સહિત સૌ કોઈ પરેશાન

રોજગારી, પાણી, ઘાસચારા અને આર્થિક મદદ કરવા માટે સરકારેતત્‍પરતા દાખવવી પડશે

જિલ્‍લાને અછતગ્રસ્‍ત જાહેર કરવામાં નહી આવે તો સ્‍થળાંતરનું પ્રમાણ વધવાનાં એંધાણ જોવા મળે છે

અમરેલી, તા. 6

ભભજાયે તો જાયે કહાંભભ ધરતી પુત્રોની દારૂણ પરિસ્‍થિતિ થઈ રહી છે. કુદરતની ખફા મરજીથી દુકાળનાં દિવસો વસમા થઈ રહૃાાં છે. મોંઘુ બિયારણ, જંતુનાશક દવા, રાસાયણીક ખાતરથી વાવણી તો કરી પરંતુ ઈશ્‍વરે મોં ફેરવી લીધું. સઝનનો પાક કપાસ, મગફળી, બાજરો, જુવાર, તુવેર        બળીને ખાક થઈ ગયા. રે જગતનો તાત આકાશ સામે મીટ માંડીને ભગવાન કપરા દિવસો ઉગારે તેવી યાતના વ્‍યકત થઈ રહી છે. હવે તો સરકાર કંઈક કરે તો વસમા દિવસો પસાર થઈ શકે.

ગોપાલગ્રામ (ધારી તાલુકો) તેમજ આજુબાજુનાં વિસ્‍તારમાં દુષ્‍કાળનાં ડાકલા વાગી રહૃાા છે. મહામુલુ પશુધન વેચાઈ રહૃાું છે, નાશ થઈ રહૃાું છે, રોજગારીનાં ફાફા થઈ રહૃાા છે, ખેડૂતો, ખેતમજૂરો, નાના દુકાનદારો, પોતાનું માદરે વતન છોડીને શહેર તરફ પ્રયાણ થઈ રહૃાા છે. સરકારે ધરતી પુત્રોની વેદનાને ઘ્‍યાને લઈને આ વિસ્‍તારને ભભઅછતગ્રસ્‍તભભ જાહેર કરીને ગ્રામીણ પ્રજાને રાહત થઈ શકે તેવું આયોજન હાથ ધરવામાં આવે તેવી વ્‍યાપક લોક માંગણી થઈ રહી છે.

આ વિસ્‍તારમાં સિંચાઈની કોઈ સુવિધા ઉપલબ્‍ધ નથી તેમજ ભુગર્ભનાં જળ ખલાસ થવામાં છે. પરીણામે રવિપાકનીઆશા નથી. ભુગર્ભનાં જળમાં વધારો થઈ શકે તે માટે વારંવાર સરકારમાં રજુઆતો કરવામાં આવી હોવા છતાં તંત્ર તરફથી કોઈ નકકર કાર્યવાહી થવામાં નથી. વડાપ્રધાન નરેન્‍દ્રભાઈ મોદીનો અભિગમ ખેતીવાડીને પુરતું પ્રાધાન્‍ય આપવાનો રહૃાો છે પરંતુ તંત્રમાં બેઠેલા અધિકારીઓ યેનકેન પ્રકારે વાંધા વચકા ઘ્‍વારા આ વિસ્‍તારમાં ભુગર્ભમાં પાણીનો વધારો થઈ શકે તેવું આયોજન કરવામાં ઉણા ઉતરી રહૃાાં છે.

આ વિસ્‍તારમાં રાહતકાર્યો શરૂ કરવામાં આવે, લોન, સહાય આપવામાં આવે, નાના દુકાનદારો, મજુરો, ખેડૂતો ઈચ્‍છી રહૃાા છે કે સરકાર દુષ્‍કાળગ્રસ્‍ત જાહેર કરવામાં વિલંબ કરશે તો પોતાનાં કુટુંબનું ભરણપોષણ માટે મોટા શહેર તરફ પ્રયાણ કરવાનું રહેશે. ખેડૂતોને ચાલું વર્ષ નિષ્‍ફળ જવાથી પાક વીમાની રકમ મંજુર કરવામાં આવે તેવી આ વિસ્‍તારનાં લોકોની માંગણી રહી છે.