Main Menu

અમરેલી અને સાવરકુંડલા તાલુકા પંચાયતની 7 બેઠકોની પેટા ચુંટણીનો ધમધમાટ

 

અમરેલી, તા.6

અમરેલી જિલ્‍લાના અમરેલી તાલુકા પંચાયતની 6 બેઠક તથા સાવરકુંડલા તાલુકા પંચાયતની એક બેઠક મળી કુલ 7 બેઠકો માટે ભાજપ અને કોંગ્રેસ વચ્‍ચે ખરાખરીનો જંગ શરૂ થઈ ગયો છે. ત્‍યારે આવતીકાલે તા.7/10 રવિવારના રોજ સવારે 8 થી સાંજના પ સુધી કુલ 38પર7 મતદારો મતદાન કરશે. અને તા.9/10ના રોજ અમરેલી તથા સાવરકુંડલાખાતે થયેલ મતદાનની મત ગણતરી હાથ ધરવામાં આવશે.

અમરેલી તાલુકા પંચાયત માટે મોટા આંકડીયા, નાના આંકડીયા, વડેરા, ગાવડકા, જસવંતગઢ તથા પ્રતાપપરા બેઠકની પેટા ચુંટણીઓ યોજાનાર છે. જયારે સાવરકુંડલા તાલુકા પંચાયતની ઘાંડલા બેઠક માટે પણ પેટા ચુંટણી આગામી તા.7 /10 ના રોજ યોજાશે.

અમરેલી તાલુકાની 6 બેઠકો માટે પુરૂષ મતદારો 169રપ, સ્‍ત્રી મતદારો1પ94ર મળી કુલ નોંધાયેલા 3ર867 મતદારો મતદાન કરશે. જયારે સાવરકુંડલા તાલુકા પંચાયતની ઘાંડલા બેઠક માટે પુરૂષ મતદાર ર9પ9, સ્‍ત્રીમતદારો ર701 મળી કુલ પ660 મતદારો મતદાન કરશે.

અમરેલી તાલુકા પંચાયતમાં વડેરા બેઠક ઉપર ભાજપનાં પ્રવિણભાઈ માંગરોળીયા જયારે ભરતભાઈ હપાણી કોંગ્રેસ તરફથી ચુંટણી લડી રહયા છે. તેવી જ રીતે પ્રતાપપરા બેઠક માટે ભાજપનાં અશ્‍વિનભાઈ સાવલીયા તથા કોંગ્રેસના પ્રવિણભાઈ કમાણી અને અપક્ષ તરીકે દિપકભાઈ ગોહિલ ચૂંટણી લડી રહયાં છે. જસવંતગઢ બેઠક માટે કંચનબેન દેસાઈ ભાજપ અને રસીલાબેન દેસાઈ કોગ્રેસ તરફથી લડી રહયાં છે. જયારે ગાવડકા બેઠક માટે નયનાબેન કસવાળા કોંગ્રેસ અને રીનાબેન રીબડીયા ભાજપ તરફથી ચુંટણી લડી રહયાં છે. નાના આંકડીયા માટે દેવજીભાઈ ભાષ્‍કર ભાજપ, સંજયભાઈ ભાષ્‍કર કોંગ્રેસ તથા મુકેશભાઈ મહેતા અપક્ષચુંટણી જંગમાં ઝંપલાવ્‍યું છે. મોટા આંકડીયા બેઠક માટે કોંગ્રેસ તરફથી છાયાબેન સોલંકી તથા ભાજપ તરફથી પારૂલબેન દેવમુરારી પેટા ચુંટણી લડી રહયા છે.

જયારે સાવરકુંડલા તાલુકા પંચાયતની ધાંડલા બેઠક ઉપર ભાજપ તરફથી નંદુબેન વાઘમશી તથા કોંગ્રેસ તરફથી વિલાસબેન ખોખર ચૂંટણી જંગમાં છે.

આમ આવતીકાલે તા.7/10ના રોજ અમરેલી તથા સાવરકુંડલા તાલુકા પંચાયત મળી કુલ 7 બેઠકો માટે 16 ઉમેદવારો ચુંટણી લડતાં હોય, જિલ્‍લાનાં રાજકારણમાં ભારે ગરમાવો આવી જવા પામી છે. 7 બેઠકો માટે ભાજપ અને કોંગ્રેસના ઉમેદવારો વચ્‍ચે ટકકર થશે.