Main Menu

યુવતીને સગપણ તોડી નાખવાની ધમકી આપનાર રોમીયોને ઝડપી લેવાયો

યુવતીને સગપણ તોડી નાખવાની ધમકી આપનાર રોમીયોને ઝડપી લેવાયો

અમરેલી, તા. 6

અમરેલી તાલુકાના નાના માચીયાળા ગામનાી યુવતીએ ગઈ તા. 18/9/18નાં રોજ અમરેલી તાલુકા પોલીસ સ્‍ટેશનમાં લખાવેલ કે પોતે આણંદ ખાતે અભ્‍યાસ કરતાં હતા તે વખતે જીતેન્‍દ્ર બચુભાઈ નાગેથા નામના એક યુવક સાથે પોતાને મિત્રતા થયેલ અને તે સમયે તેની સાથે પોતે વિતાવેલ અંતરંગ પળોના તેણે ફોટા પાડેલ અને વિડીયો ઉતારેલ હતા. અને પોતાનો અભ્‍યાસ પુરોથતાં પોતે પોતાના વતનમાં પરત આવતાં અને પોતાની સગાઈ અન્‍ય જગ્‍યાએ થતાં જે પોતાના મિત્રને નહી ગમતા તેણે પોતાની સગાઈ તોડી નહી નાંખે તો પોતાના ફોટા તથા વિડીયો સોશીયલ મિડીયામાં વાઈરલ કરી દેવાની ધમકીઓ આપતો હોય અને આ યુવક પોતાનું ભવિષ્‍ય ખરાબ કરશે તેવું જણાતા તેણીએ ઉપરોકત વિગતે ફરિયાદ આપતાં અમરેલી તાલુકા પોલીસ સ્‍ટેશનમાં સે.ગુ.ર.નં. 64/ર018, ઈપીકો કલમ પ06 તથા આઈટી એકટ કલમ 67, 67(એ) મુજબ ગુન્‍હો રજી. થયેલ હતો.

જીતેન્‍દ્ર ઉર્ફે જીતુ બચુભાઈ નાગેથા (ઉ.વ. ર8) રહે. સુરત, પુણાગામ, સીતારામનગર વાળાને તા. 6/10/18નાં કલાક 16-30 વાગ્‍યે અટક કરી વધુ તપાસ અર્થે અમરેલી તાલુકા પોલીસ સ્‍ટેશનમાં સોંપી    આપેલ છે.

આ કામગીરી પોલીસ અધિક્ષકની સુચના અને માર્ગદર્શન મુજબ એલસીબી અમરેલીના ઈન્‍ચાર્જ ઈન્‍સ્‍પેકટર ડી.કે. વાઘેલા અને એલસીબી ટીમ ઘ્‍વારા કરવામાં   આવેલ છે.