Main Menu

અમરેલી જિલ્‍લામાં સરકારી બાબુઓ પર કામનું ભારણ : કૌટુંબિક અને સામાજિક જીવનને અસર થઈ રહી છે

અપુરતા સ્‍ટાફ અને અનેકવિધ કાર્યક્રમો વચ્‍ચે રોજબરોજના કાર્યોનો નિકાલ થતો નથી

અમરેલી જિલ્‍લામાં સરકારી બાબુઓ પર કામનું ભારણ

કામના ભારણ અને લક્ષ્યાંકને સિઘ્‍ધ કરવામાં કૌટુંબિક અને સામાજિક જીવનને અસર થઈ રહી છે

અમરેલી, તા. 6

અમરેલી જિલ્‍લાનાં જુદા-જુદા સરકારી વિભાગોમાં ફરજ બજાવતાં કર્મચારીઓ અને અધિકારીઓ પર કામનું ભારણ વધી જતાં સરકારી બાબુઓ પરમાનસિક તણાવની અસર જોવા મળે છે. આ માટે રાજય સરકાર સરકારી બાબુઓનાં હિતનો પણ વિચાર કરવો જરૂરી    બન્‍યો છે.

જિલ્‍લાની લગભગ તમામ સરકારી કચેરીઓનાં અર્ધો અર્ધ કર્મચારીઓ અને અધિકારીઓની જગ્‍યા ખાલી જોવા મળે છે. એક-એક કર્મચારી પર એકથી વધારે ટેબલની જવાબદારી જોવા મળે છે.

પંચાયત, મહેસુલ, પોલીસ સહિતનાં વિભાગોને રોજિંદા કામો ઉપરાંત સરકારની વિવિધ યોજનાઓનાં લક્ષ્યાંક સિઘ્‍ધ કરવા માટે ભારે સંઘર્ષ કરવો પડી રહૃાો છે. સતત કામનાં ભારણથી કર્મચારીઓ અને અધિકારીઓનાં આરોગ્‍ય પર અસર થતી હોય છે. તેમજ કૌટુંબિક અને સામાજિક જીવન પણ પ્રભાવિત થતું જોવા મળે છે.

સામાન્‍ય રીતે આમ આદમીમાં સરકારી બાબુઓ પ્રત્‍યે અણગમો જોવા મળતો હોય છે. પરંતુ સરકારી બાબુઓ પણ સભ્‍ય સમાજનો હિસ્‍સો છે તેઓને પણ પરિવાર અને આરામ સમયાનુસાર મળવો જોઈએ તે ન મળતાં તેઓ પણ ચિંતીત હોય છે અને તેની અસર રોજબરોજનાં કાર્યોમાં પડતી હોય છે. કામના ભારણથી આમ આદમીનાં કાર્યો સમયાનુસાર ઉકેલાતા ન હોવાથી વારંવાર તેઓને આમ આદમી સાથે સંઘર્ષમાં ઉતરવું પડે છે અને તેનાથી મુસીબત વધતી હોય રાજય સરકારે તમામ સરકારી વિભાગોમાં જરૂરીયાત કરતાં 10 ટકા કર્મચારીઓની વધારે ભરતી કરવા માટે ગંભીરતાથી વિચારવાનો સમયઆવી ચુકયો છે. નહિ તો સમગ્ર વહીવટીતંત્ર કડડભુસ થઈ જજતાં વાર નહી લાગે.