Main Menu

અમરેલીની ખાનગી હોસ્‍પિટલમાં લૂંટારૂઓનો આતંક

શહેર અને જિલ્‍લામાં કાયદો અને વ્‍યવસ્‍થાની કથળતી હાલત

અમરેલીની ખાનગી હોસ્‍પિટલમાં લૂંટારૂઓનો આતંક

કુહાડી, છરા જેવા જીવલેણ હથિયારો વડે લૂંટારૂઓએ હાહાકાર મચાવી દીધો

અમરેલી, તા. 6

અમરેલી જિલ્‍લામાં દુષ્‍કાળનાં ઓળા ઉતરી આવ્‍યા છે ત્‍યારે લૂંટારૂઓ, તસ્‍કરોની રંજાડ વધી રહી છે. ત્‍યારે રાત્રીનાં સમયે પોલીસ પેટ્રોલીંગ વધારવું જરૂરી બન્‍યું છે. ત્‍યારે આજે વહેલી સવારે એસ.ટી. ડેપો જેવા ભરચક વિસ્‍તારમાં આવેલ એક હોસ્‍પિટલમાં ત્રણ જેટલા અજાણ્‍યા શખ્‍સો લૂંટ કરવાના ઈરાદે ઘુસી આવ્‍યા હતા. જયાં રાત્રીના દાખલ થયેલા દર્દી તથા સ્‍ટાફને માર મારી રૂા. 1પ00 રોકડની લૂંટ ચલાવી નાશી ગયા હતા. જો કે આ બનાવ અંગે પોલીસમાં કોઈ સત્તાવાર ફરિયાદ નોંધાવવામાં આવેલ નથી.

આ બનાવમાં જાણવા મળતી વિગત મુજબ અમરેલી એસ.ટી. ડેપો સામે આવેલ જીવનધારા હોસ્‍પિટલ નજીક આવેલ એક મેડિકલ સ્‍ટોર, ચશ્‍માની દુકાન તથા ઈલેકટ્રીક સ્‍ટોર્સમાં કોઈ ત્રણ અજાણ્‍યા શખ્‍સો આજે વહેલી સવારે ચોરી કરવાનાં ઈરાદે આવ્‍યા હતા. પરંતુ આ ત્રણેય દુકાનોનાં શટર નહીં તુટતાં આખરે આ ત્રણેય શખ્‍સો નજીકમાં જ આવેલ જીવનધારા હોસ્‍પિટલમાં ઘુસી ગયા હતા. આ શખ્‍સો પાસે હાથમાં કુહાડી તથા છરા જેવા હથિયારો હોય તેના વડે હોસ્‍પિટલનો મુખ્‍ય દરવાજાનો કાચ તોડીનાખી દવાખાનામાં ઘુસી આવ્‍યા હતા.

જીવનધારા મેડિકલ સ્‍ટોર્સમાં ઘુસી આવેલા આ ત્રણેય શખ્‍સોએ મેડિકલ સ્‍ટોર્સમાં ચોરી કરવાના ઈરાદે ઘુસી આવ્‍યા બાદ મેડિકલ સ્‍ટોર્સનું શટર તોડવાનો પ્રયાસ કર્યો હતો. અને આ હોસ્‍પિટલમાં ખાખાખોળા કર્યા. ચોરી કરવાનાં ઈરાદે આવેલા તસ્‍કરોની નજર હોસ્‍પ્‍ટિલમાં લગાવેલ સીસીટીવી કેમેરા ઉપર જતાં બે સીસી ટીવી કેમેરાને પણ તોડી નાખ્‍યા હતા.

આ બનાવ અંગે દવાખાનામાં રહેલા ત્રણ જેટલા યુવાનો જાગી જતાં આ તસ્‍કરોએ મેકિડલ સ્‍ટોર્સમાં યુવાનોને પુરી દઈ બહારથી લોક કરી દીધા હતા.

પરંતુ દવાખાનાનાં મેડિકલ સ્‍ટોર્સમાં પુરાયેલા યુવાનોએ પોતાના મોબાઈલ ફોન વડે મેડિકલ સ્‍ટોર્સના માલીકને તસ્‍કરો ઘુસી આવ્‍યાની જાણ કરતાં મેડિકલ સ્‍ટોર્સનાં માલીક આ હોસ્‍પિટલે દોડી આવ્‍યા હતા અને હોસ્‍પિટલનો મુખ્‍ય દરવાજો ખુલ્‍લો હોય પાર્ટીશનનો કાચ તુટેલો હોય તેમાંથી દવાખાનામાં પ્રવેશતાં જ અંદર રહેલા આ ત્રણેય શખ્‍સોએ પોતાના હાથમાં રહેલી કુહાડીનો ઘા કરી મેડિકલ ર્સ્‍ટોનાં માલીકને ઈજા કરવાનો પ્રયાસ કર્યો હતો પરંતુ સદનસીબે તેઓ બચી ગયા હતા.

બાદમાં રાડારાડ થતાં આ ત્રણેય શખ્‍સો બાજુમાં આવેલ જીમખાનાથી વંડી ટપી અને નાશી ગયા હતા.

બાદમાં પ્રાથમિક તપાસ કરતાં રૂા. 1પ00 જેવી રકમ લૂંટારૂ કમ તસ્‍કરો લઈગયા હતા. જો કે આ બનાવ અંગે સીટી પોલીસમાં કોઈ જ ફરિયાદ નોંધાવવા પામેલ નથી.

આ બનાવની જાણ શહેરભરમાં ફેલાતા મેડિકલ એસોસીએશન, શહેરનાં નામાંકીત ડોકટર્સ તથા શહેરીજનોમાં ભયનો માહોલ છવાયો છે.