Main Menu

આંબરડીમાં નવતર પ્રકારનું પ્રાણી જોવા ગામજનોઉમટયા

સાવરકુંડલા, તા.6

સાવરકુંડલાના આંબરડી ગામે આજે એક અજીબો ગરીબ જંગલી પ્રાણીનું વિચિત્ર બચ્‍ચુ તેની માતાની જુદુ પડી જતા આંબરડી ગામની નદી કાંઠે બેસેલ જોવા મળેલ પ્રથમ દ્રષ્‍ટીએ સિંહ, દિપડા જેવું દેખાતા આ બચ્‍ચાને સ્‍કુલેથી છુટેલા બાળકોએ જોતા સિંહનું બચ્‍ચુ સમજી હોંશભેર રમાડવા લાગેલ અને બચ્‍ચુ પણ બાળકો સાથે મસ્‍તીથી રમવા લાગેલ. એવામાં અન્‍ય ગામ લોકોને જાણ થતા બચ્‍ચાને જોવા લોકો ઉમટી પડયા હતા. સૌ કોઈ બચ્‍ચાને જોઈ અચંબામાં પડી ગયા હતા. કે આ બચ્‍ચુ આખિર કયા પ્રાણીનું ? કલાકોનો વિચાર કર્યો બાદ અંતે વન વિભાગને જાણ કરતા મિતીયાળા રેન્‍જના આરએફઓ ડીડી. જોષીની સૂચનાથી વનકર્મી કટારાભાઈ દોડી આવી આ વિચિત્ર બચ્‍ચાનો કબ્‍જો લઈ ખાંભા ખાતે લઈ જવાયેલ જયાં એનિમલ એકસપટેને બચ્‍ચા વિશે જાણ કરતા અંતે આ બચ્‍ચાની સાચી ઓળખ થઈ શકી હતી સિંહ બાળ જેવું દેખાતું આ બચ્‍ચુ જંગલી વગડા બિલાડાનું હોવાનું સાબિત થતાં હાંશકારો થયો હતો. હાલ આ બચ્‍ચાને વનકર્મી કટારાભાઈ દ્વારા દુધ પાઈ માવજત કરાઈ રહી છે. તેવું વનકર્મી કટારાએ જણાવેલ.