Main Menu

અમરેલી જિલ્‍લામાં નવરાત્રી વેકેશનને મરજીયાત કરવા માટે શિક્ષણમંત્રીને રજુઆત

જિલ્‍લા સ્‍વનિર્ભર શાળા સંચાલક મંડળ દ્વારા

અમરેલી જિલ્‍લામાં નવરાત્રી વેકેશનને મરજીયાત કરવા માટે શિક્ષણમંત્રીને રજુઆત

અમરેલી, તા. પ

અમરેલી જિલ્‍લા સ્‍વનિર્ભર શાળા સંચાલક મંડળનાં પ્રમુખ હસમુખ પટેલે શિક્ષણ મંત્રીને પત્ર પાઠવેલ છે.

પત્રમાંજણાવેલ છે કે, અમરેલી જિલ્‍લાની મોટાભાગની સ્‍વનિર્ભર શાળાઓ સરકાર ઘ્‍વારા લેવાયેલ નિર્ણય મુજબ ફી નિર્ધારણ કમિટી ઘ્‍વારા નકકી થયેલ ફીની મર્યાદામાં બાળકોની ફી લઈ સરકારને પુરતો સહયોગ આપે છે.

સરકારના શિક્ષણ વિભાગ ઘ્‍વારા દહભચતના અભ્‍યાસક્રમો ચાલુ વર્ષ દરમ્‍યાન સ્‍કુલમાં અમલી બનાવેલ છે જે અભ્‍યાસક્રમો સેન્‍ટ્રલ બોર્ડ મુજબના હોવાથી ઘણા લાંબા કોર્ષ છે જેથી આ મીની વેકેશનના કારણે અભ્‍યાસક્રમ પુર કરવામાં મુશ્‍કેલી પડે તેમ છે. તેમજ બાળકોને આ અભ્‍યાસક્રમ સમજાવવામાં ઘણો સમય પણ જરૂરી છે.

વધુમાં જણાવેલ છે કે, વરાત્રી વેકેશન એક અઠવાડીયાનું હોવાથી હોસ્‍ટેલ સાથેની શાળાઓમાં વિદ્યાર્થીઓને લેવા-મુકવા માટે આર્થિક તેમજ સમયનો વ્‍યય થાય તે સ્‍વાભાવિક છે. કારણ કે નવરાત્રી વેકેશન પૂર્ણ થયા બાદ તુરત જ છમાસિક પરીક્ષાઓ શરૂ થાય અને પરીક્ષા પહેલાના વેકેશનના કારણે વિદ્યાર્થીઓ પરીક્ષાની પુરતી તૈયારી પણ કરી શકે નહી જેથી અભ્‍યાસને પણ વેકેશનની અસર થાય.

એટલેક કે તા. 10/10/18થી 17/10/18 સુધીના વેકેશન સાથે તા. 18/10/18 દશેરા હોય તા. 19/10/18થી સ્‍કૂલો રેગ્‍યુલર થઈ શકે. તેમજ તા. પ/11/18થી 18/11/18 દિવાળી વેકેશન શરૂ થાય છે. આમ નવરાત્રી અને દિવાળી વેકેશન વચ્‍ચે પરીક્ષા માટે સમયગાળો ઓછો રહે છે. ધોરણ 10અને 1રનાં વિદ્યાર્થીના પરિણામમાં તો ખૂબ માઠી અસર પડી શકે છે.

પરંતુ ઉપરોકત કારણોસર તેમજ સ્‍કૂલના વિદ્યાર્થીના વાલીઓ ઘ્‍વારા પણ રજુઆત થાય છે કે નવરાત્રી વેકેશન કેન્‍સલ રાખવું જોઈએ. જેથી વિદ્યાર્થીઓના અભ્‍યાસને અસર ન થાય. તો અમો સ્‍વનિર્ભર શાળાઓના પ્રતિનિધિઓની પણ રજુઆત છે કે સ્‍વનિર્ભર શાળાઓને આમા છુટછાટ મળે. તો આ બાબતે અમારી માંગણીને ઘ્‍યાને લઈ યોગ્‍ય તે નિર્ણય લઈ નવરાત્રી વેકેશન મરજીયાત રહે તેવી અમારી માંગણી છે તેમ અંતમાં જણાવેલ છે.