Main Menu

અમરેલી પંથકનાં ખનીજ માફીયાઓને ગામજનો ઘેરી લેશે

જવાબદાર સરકારી વિભાગ ટેબલ નીચેથી ઉઘરાણા કરવામાં વ્‍યસ્‍ત હોવાથી

અમરેલી પંથકનાં ખનીજ માફીયાઓને ગામજનો ઘેરી લેશે

રાજસ્‍થળીનાં ગામજનો અને ખેડૂતોએ ઉચ્‍ચ અધિકારીને લેખિત જાણ કરી

અમરેલી, તા. પ

અમરેલી પંથકમાં ખુલ્‍લેઆમ તંત્રની મીઠ્ઠીનજર તળે રેતીચોરી થઈ રહી હોય રાજસ્‍થળીનાં ખેડૂતો અને ગામજનોએ હવે ખનીજ માફીયાઓ વિરૂઘ્‍ધ હલ્‍લાબોલ કરવાનો નિર્ણય કર્યો છે.

ગામજનોએ પાઠવેલ આવેદનપત્રમાં જણાવેલ છે કે, રાજસ્‍થળી ગામમાંથી શેત્રુંજી નદી તરફ જતા ખેતરાવ રસ્‍તે બેખોફ અને બેફામ રેતી ચોરોના વાહનો જેવા ટ્રેકટર, લોડર, ડમ્‍પર અને તોતીંગ લોડેડ વાહનો ઘ્‍વારા રેતી ચોરી થતી હોય અને ગામના ખેડૂતોને ખેતર જવાના માર્ગને લોડેડ વાહનો ઘ્‍વારા મિસ્‍માર હાલત કરી દીધેલ હોય તેમજ રેતી ચોરો માથાભારે હોય તેમજ ખાણ-ખનીજ ખાતાના અધિકારીઓ તેમજ પોલીસતંત્ર સાથે સાંઠ-ગાંઠવાળા હોય અને રાજસ્‍થળી ગામના પાદરમાં આવેલ બંગલાના મેદાનમાં રેતી ભરેલા વાહનો દાદાગીરી કરી છુપાવતા હોય તેમજ રેતી ચોરો ઘ્‍વારા ગોખરવાળાથી રાજસ્‍થળી ગામમાં પ્રવેશતાની સાથે જ એક નવું બંધાઈ રહેલ ડબલ માળનાં મકાન પાસે ચોરેલ રેતીનો સ્‍ટોક કરેલો હોયઅને રેતી ભરેલા જે તે વાહનોના ડ્રાઈવરો ઘ્‍વારા રાજસ્‍થળી ગામની અંદર પણ બેફામ અને બિલકુલ અસલામત રીતે વાહનો હંકારી      માલઢોર અથવા માનવ અકસ્‍માત સર્જાવવાની પૂરી ભીતિ હોય.

તંત્રને રેતી ચોરીની કોઈ આવક હોય તો પણ રેતી ચોરી રાજસ્‍થળી સિવાયના અન્‍ય માર્ગે ચાલું રાખી શકો છો અને રાજસ્‍થળી ગામના માર્ગોમાંથી રેતી ચોરી સદંતર બંધ કરવા જાહેર અપીલ કેમ કે શેત્રુંજી નદીમાંથી રેતી ખનન ગેરકાયદેસર હોય અને ગેરકાયદેસર ધંધા માથાભારે શખ્‍સો જ કરતા હોય અને ગેરકાયદેસર રેતી ખનનને કારણે પોલીસ તંત્ર કે ખાણ-ખનીજ વિભાગ રેઈડ કરવા આવે તો રેતી ચોરી માટે ગયેલ વાહનને મોબાઈલ ફોન ઘ્‍વારા તાત્‍કાલિક માહિતી પહોંચાડવા રેતી ચોરોના માથાભારે પાગીયા અવનવા માણસોનો ગામના પાદરમાં આવેલ નાળાની દીવાલ તેમજ ગામના પાદરમાં ગ્રામજનો માટે રખાયેલ બાંકડે પડયા પાથર્યા રહેવું અને ગામમાં ખોટી આઈટમો રેતી ચોરોનો પગ પેસારો ભવિષ્‍યમાં મોટી ઘટનાઓને અંજામ આપે વગેરે અનેક કારણો તેમજ રાજસ્‍થળી ગામના ખેડૂતોને કે જેમને શેત્રુંજી નદી બાજુની દિશામાં ખેતરો આવેલા છે તે માર્ગમાં રેતી ચોરો ઘ્‍વારા રેઈડ કરવા આવેલા સરકારી વાહનો ચાલી શકે નહી તેવા ઈરાદાથી જાડો વેકરો રસ્‍તામાં પાથરી રેઈડ કરનારના વાહનોને અડચણ ઉભું કરેલુંહોય અને તે અડચણ ખેડૂતોના વાહનો જેમ કે મોટર સાયકલ કે દેશી સનેડો અને બળદ ગાડા જેવા વાહનોને મુશ્‍કેલી ઉભી થઈ રહી હોય અને રેતી ચોરી ગેરકાયદેસર પ્રવૃતિ હોય એટલે આવી પ્રવૃતિ અમારા રાજસ્‍થળી ગામમાંથી સદંતર બંધ કરાવવા જાહેર અપીલ અને તેમ છતાં માથાભારે તત્‍વો ઘ્‍વારા રાજસ્‍થળી ગામના રસ્‍તે હવે પછી રેતી ચોરીની પ્રવૃતિ બંધ નહિ થાય અને પોલીસ કોઈ એકશન નહી લે તો ગ્રામજનો ઘ્‍વારા રેતીચોરોના વાહનો આડા મોટા પથ્‍થરો ગોઠવી દઈ અડચણ ઉભું કરી ગામમાં જ રોકી દરેક વ્‍હીલમાંથી હવા કાઢી નાખવામાં આવશે. અને તે માટે રેતીચોરો કે તેમના મળતીયા અને પાગીયાઓ ઘ્‍વારા પ્રત્‍યાઘાત આપવામાં આવે અને ગામના ગામના જુવાનીયાનું ટોળું રેતી ચોરો ઉપર કે તેના વાહનો ઉપર સ્‍વબચાવમાં કોઈપણ એકશન લે તો તે અંગેની સંપૂર્ણ જવાબદારી સરકારી તંત્ર અને કાયદાના રક્ષકો અને જવાબદારોની અંગત રહેશે તેમ અંતમાં જણાવેલ છે.