Main Menu

આલે લે : શેત્રુંજી નદીમાંથી પાણી લેવામાં આવે તો ખેડૂતોને પરેશાન કરવામાં આવે છે

ખેડૂતોએ કલેકટર સમક્ષ નારાજગી વ્‍યકત કરી

અમરેલી, તા.પ

અમરેલીના રાજસ્‍થળી ગામના ખેડૂતોએ કલેકટરને આવેદનપત્ર પાઠવેલ છે.

આવેદનપત્રમાં જણાવેલ છે કે, રાજસ્‍થળી કે અન્‍ય ઘણા ગામોના ખેડૂતોને શેત્રુંજી નદી કાંઠે વાડી-ખેતર આવેલા હોઈ પોતાની ખેત જણસોને વરસાદ પાણીની તંગી અનુભવાતી હોઈ ત્‍યારે કહેવાતા ઈકોજોનમાં ચારો ચરવા માટે વિચરતા પાળતુ તેમજ સરકારી પશુઓ માટે પણ હાલ પાણીની જોગવાઈ સરકાર કે તંત્ર દ્વારા કરાયેલ નથી. ઉભો પાક સુકાતો જોઈ ખેડૂતો આત્‍મહત્‍યા કરવા મજબુર હોય તેવા સંજોગોમાં શેત્રુંજી નદીમાં જે.સી.બી. કે કોઈ અન્‍ય સાધનો દ્વારા વીરડો કરી પાણીની જોગવાઈ ખેડૂતો પોત પોતાના ખર્ચે અને જોખમે કરતા હોય ત્‍યારે તે ખેડૂતો ઉપરઆવા કપરા કાળમાં તંત્ર દ્વારા રેઈડ કરી અને ભાડે લાવેલ જે.સી.બી. સીઝ કરી અને સરકારી કનડગત થતી હોય તે સદંતર બંધ કરવા સરકારી તંત્રને ખાસ અપીલ કેમકે હવા અને પાણી ઉપર કોઈ સરકાર કે રાષ્‍ટ્રનો અબાધીત અધિકાર નથી અને શેત્રુંજી નદીમાં સરકાર કે તંત્ર દ્વારા પીવાના પાણીને રિઝર્વમાં રાખવું એવો કોઈ ફતવો કે આયોજન પણ નથી તો જે પાણી સુકાઈ જ જવાનું છે અને કયાય કોઈને ઉપયોગમાં થવાનું નથી તે પાણીને આ કહેવાતા ખેતી પ્રધાન દેશના ખેડૂતો પોતાની મોલાત અને વિચરતા માલઢોરને જીવતદાન આપવા માટે કરે તો એમાં કોઈ પ્રકારની આપતિ કોઈને હોય શકે નહીં.અને વીરડો કરવા માટે ઉપયોગમાં લેવાતા સાધનો અને ખેડૂતો કોઈપણ પ્રકારે ચોર કે તેના પર ચોરીનો આરોપ લગાવી પરેશાન કરવા કોઈ કાળે યોગ્‍ય અને વ્‍યાજબી નથી. તેથી તે બાબતે ખેડૂતોને ઈકોઝોનના બહાને કનડગત બંધ કરવી જોઈએ અને ઈકો જોન હોય તો સરકારી પ્રાણીઓ માટે જેમકે નીલગાય, રોઝ, ભૂંડ, સિંહ માટે ઈકોઝોનમાં સરકારે તો કોઈ વ્‍યવસ્‍થા કરેલી નથી તો ખેડૂતે બનાવેલા વીરડે સરકારી પશુઓ કે ગામના ચરવા આવતા અને માલધારીઓના પશુઓના પશુઓ પીવે એટલા માટે પણ પાણીના વીરડા કરવા છુટછાટ આપવી  જોઈએ અન્‍યથા ખેડૂતોની આત્‍મહત્‍યા અને સરકારી પ્રાણીઓના વધી રહેલમૃત્‍યુ માટેની નૈતિક જવાબદારીઓ આપ સૌએ સ્‍વીકારી લેવી જોઈએ તેમ અંતમાં જણાવેલ છે.