Main Menu

દામનગરમાં ‘‘દમવગર”નાં નેતાઓ હોવાથી શહેરીજનો પરેશાન

શહેરને દરેક બાબતમાં અન્‍યાય છતાં પણ કોઈ બોલતું નથી

દામનગરમાં ‘‘દમવગર”નાં નેતાઓ હોવાથી શહેરીજનો પરેશાન

શહેરમાં આમ તો અનેક વ્‍યકિતઓ ફોટોસેશન કરાવીને આગેવાન હોવાનો દંભ કરી રહૃાા છે

દામનગર, તા. પ

સ્‍વચ્‍છતાનો સંદેશો આપતા અને દેશના લોકોને મનની વાત કરતા નરેન્‍દ્રભાઈ મોદી દાવો કરે છે કે છેલ્‍લા 4 વર્ષમાં સફાઈની બાબતમાં 9પ ટકા સફળતા હાંસલ કરી છે. આ માત્ર બોલીને જાહેર કરવાનો આંકડો મનમાં ન ઉતરે.

હજુ ઘણા શહેરો ગંદકીથી ખદબદી રહૃાા છે. અરે ર0 હજારની આસપાસની વસ્‍તી ધરાવતા ગામોમાં સ્‍થાનિક સત્તાધીશોની ભ્રષ્‍ટ નીતિને કારણે તેમજ સફાઈ કામદારોની ઘટ અને સ્‍વયં જાગૃત્તિ ન હોવાને હિસાબે ગંદવાડ જોવા મળે છે.

જે સ્‍થાનિક સ્‍વરાજયની સંસ્‍થાઓમાં ભાજપનું શાસનહોય કે ન હોય મોટા કાર્યકર હોવાનું કહેતા લોકો સ્‍વચ્‍છતાનાં કેલા આગ્રહી છે.

જેમાં અમરેલી જીલ્‍લાનું દામનગર શહેર ર0 હજાર ઉપરાંતની વસ્‍તી ધરાવતું શહેર છે. ફોટા પડાવવામાં આગળ આવતા કાર્યકરો દુર્લક્ષ સેવે છે. નગરપાલિકા ધરાવતા આ ગામમાં છેલ્‍લા સાડા આઠ વર્ષમાં વિકાસનાં કામોમાં ઉંડાણપૂર્વક ભ્રષ્‍ટાચાર થયા છે. માત્ર ખુરશી અને મલાઈ તારવવામાં રસ ધરાવતા લોકો એ જાણતા હોય છે કે ફરી વખત ચૂંટાઈએ કે ન ચૂંટાઈએ ગજવા નહી થેલા ભરાય એટલા ભરી લઈએ.

અઢી વર્ષની મુદત પુરી થતાં બીજી મુદત માટે નિમાયેલ પ્રમુખ ગોબરભાઈ નાનજીભાઈ નારોલાએ અટકેલા કામો કરવા પડશે. પ્રમુખપદનો તાજ કાંટાળો કે મલાઈદાર ખુરશી આ બંનેમાંથી તાજ કાંટાળો નથી હોતો ફુલ વાળો હોય છે. દરેકને સાથે રાખીને સફાઈ કામદારોને કાયમી કરવા, રસ્‍તા પાકા કરવા, પેવર બ્‍લોકથી વંચિત વિસ્‍તારોને સમાવી લેવા, આરોગ્‍યલક્ષી કામગીરી કરવી, ટ્રાફીકનાં પ્રશ્‍નો હલ કરવા પોલીસની મદદ લેવી, નબળા થયેલા પેવર બ્‍લોકનાં કામ, બગીચા પ્રકરણ, ભુગર્ભ ગટરની ગુણવત્તા વિશે ઉઠેલા સવાલો, ઘરે-ઘરે બનાવેલ શૌચાલયમાં કથીત ભ્રષ્‍ટાચારની તપાસ કરાવરાવવી જેવી બાબતો સાથે અઢી વર્ષ દરમ્‍યાન આવતી ગ્રાન્‍ટનો શહેરનાં સર્વાંગી વિકાસ માટે ઉપયોગ થાય તેમ શહેરીજનો ઈચ્‍છી રહૃાાંછે.