Main Menu

હિટ એન્‍ડ રન : બાબરામાં અજાણ્‍યા કાર ચાલકે ડબલ સવારી બાઈકને હડફેટે લેતા 1નું મોત

જિલ્‍લાનાં માર્ગો પર ધૂમ સ્‍ટાઈલથી દોડતા વાહનો બન્‍યા યમદૂત

હિટ એન્‍ડ રન : બાબરામાં અજાણ્‍યા કાર ચાલકે ડબલ સવારી બાઈકને હડફેટે લેતા 1નું મોત

સ્‍થાનિક પોલીસે ગુન્‍હો નોંધી કાર ચાલકની શોધખોળ આદરી

બાબરા, તા.પ

બાબરામાં સવારે અમરાપરા ગામના માળી પરિવારના કૌટુંબિક કાકા ભત્રીજા પોતાનું બાઈક લઈને રાજકોટ તરફ જતા હતા ત્‍યારે અહીં આવેલ મારૂતિ હોટલ નજીક સામેથી પુરપાટ ઝડપે આવી રહેલ મોટરકારના ચાલકે હડફેટે લઈ ગંભીર અકસ્‍માત સર્જી કાર લઈ નાસી છુટયો હતો. ઘટનાની જાણ થતા બાબરા પોલીસ ઘટના સ્‍થળે પહોંચી અકસ્‍માતમાં ઈજાગ્રસ્‍તને 108 મારફત બાબરાના સરકારી હોસ્‍પિટલમાં સારવાર માટે ખસેડવામાં આવ્‍યા હતા અને કાર ચાલકને પકડવા ધોરણસરની કાર્યવાહી હાથ ધરી હતી.

બાબરા તાલુકાના અમરાપરા ગામમાં રહેતા કિશોરભાઈ જીવરાજભાઈ મીઠાપરા (માળી) તેમજ વિજયભાઈ પદુભાઈ ભારદીય પોતાનું બાઈક લઈ રાજકોટ તરફ કોઈ કામ સબબ જતા હતાત્‍યારે બાબરાથી ચાર કિલોમીટર દૂર મારૂતિ હોટલ નજીક સામેથી આવી રહેલ મોટરકારના ચાલકે જોરદાર ઠોકર મારી ગંભીર અકસ્‍માત સર્જી નાસી ગયો હતો. અહીં ગંભીર રીતે ઈજાગ્રસ્‍ત કિશોરભાઈ તથા વિજયભાઈને તાત્‍કાલિક અસરથી પ્રથમ બાબરાના સરકારી દવાખાને ખસેડવામાં આવ્‍યા હતા. અહીં કિશોરભાઈ મીઠાપરાને બાબરા પોલીસ દ્વારા અકસ્‍માતનો ગુનો નોંધી કાર ચાલકને પકડવા માટે ધોરણસરની કાર્યવાહી હાથ ધરેલ છે.