Main Menu

બગસરાના પીએસઆઈ.ની બદલીનાં વિરોધમાં શહેર સજજડ બંધ

સમગ્ર બગસરા પંથકમાં કાયદો અને વ્‍યવસ્‍થા મજબુત બનાવનાર

બગસરાના પીએસઆઈ.ની બદલીનાં વિરોધમાં શહેર સજજડ બંધ

શહેરની અનેક સામાજિક અને સેવાકીય સંસ્‍થાઓ અને સરપંચો બંધમાં જોડાયા

પીએસઆઈ મોરીએ ટૂંકા દિવસોમાં જ બગસરાની જનતાનાં હૃદયમાં સ્‍થાન મેળવી લીધું

બગસરા,

બગસરામાં ટૂંક સમયમાં જ કથળી ગયેલ કાયદો વ્‍યવસ્‍થાને મજબુત બનાવી અસામાજિક તત્‍વો સામે લાલ આંખ કરી બગસરા વિસ્‍તારમાં લોકચાહનાં મેળવનાર પીએસઆઈની બદલી બંધ રખાવવા ગઈકાલે સરકીટ હાઉસ ખાતે મળેલ મીટીંગ બાદ આજે બગસરાએ બંધ પાળી બદલી રોકવા ઉચ્‍ચ કક્ષાએ રજુઆત કરવામાં    આવેલ છે.

વિગત અનુસાર ઘણા વર્ષો બાદ બગસરાને કડક અને નોન કરપ્‍ટેડની છાપ ધરાવતા પીએસઆઈ મોરીની નિમણૂંક થતાં જ અસામાજિક તત્‍વો ભો-ભીતર થઈ જતાં લોકોએ હાશકારો અનુભવેલ.

પરંતુ જિલ્‍લા પોલીસ વડા ઘ્‍વારા પીએસઆઈની આંતરીક બદલીનાં ઘાણવામાં બગસરાનાં પીએસઆઈનું નામ સંભળાતા શહેરની સામાજિક સંસ્‍થાઓ, ચેમ્‍બર ઓફ કોમર્સ, વેપારી મહામંડળ, કિરાણા એસોસીએશન તેમજ આજુબાજુનાં ગ્રામ્‍ય વિસ્‍તારોનાં સરપંચોની બેઠક ગઈકાલે સરકીટ હાઉસ ખાતે મળેલ અને બદલી બંધ રાખવાની માંગ સાથે જિલ્‍લા પોલીસ વડાને લેખિત રજુઆત કરેલ. અને આજે આ તમામ સંસ્‍થાઓ તેમજઆગેવાનો બગસરા બંધમાં જોડાયેલ અને આવનારા નવરાત્રી તેમજ દિવાળીનાં પર્વ શાંતિથી પસાર થાય તે માટે બદલીનાં વિરોધ સાથે વેપારીઓએ પણ સ્‍વયંભુ બંધ પાળી સમર્થન આપેલ અને જણાવેલ કે જો બદલી બંધ નહી રહે તો આગામી દિવસોમાં ઉગ્ર આંદોલન કરવાની ચિમકી ઉચ્‍ચારેલ.