Main Menu

અમરેલી પંથકમાં મીની વાવાઝોડા સાથે પડેલ વરસાદનાં કારણે અનેક જગ્‍યાએ વૃક્ષનો સોથ વળી ગયો

કડાકા-ભડાકાનાં કારણે વીજતંત્રને ભારે નુકશાન થયું

અમરેલી, તા. પ

અમરેલી તથા આજુબાજુનાં વિસ્‍તારમાં ગઈકાલે સાંજનાં સમયે વીજળીનાં કડાકા- ભડાકા અને પવન સાથે ખાબકેલા વરસાદનાં કારણે અમરેલી શહેર તથા આજુબાજુનાં વિસ્‍તારમાં અનેક જગ્‍યાએ પવન પતાની જેમ વૃક્ષોનો સોંથ નિકળી ગયો હતો. આવા વૃક્ષો વીજવાયર ઉપર પડતાં શહેરભરમાં વીજળી ગુલ થઈ જવા પામી હતી.પરંતુ વીજ કંપનીનાં અધિકારીઓ તથા કર્મચારીઓ મોડી રાત્રી સુધી સતત કામગીરી કરી શહેરભરનાં મોડી રાત્રીનાં વીજપુરવઠો પૂર્વવત કર્યો હતો.

અમરેલી શહેરનાં ચિતલ રોડ ઉપર અનેક વૃક્ષો, વરસડા રોડ ઉપરતથા કોલેજ કેમ્‍પસ તથા માચીયાળા ગામ નજીક નાના મોટા વૃક્ષો ભારે પવનનાં કારણે ધરાશયી થયા હતા.

જયારે પવન અને વરસાદનાં કારણે અનેક વાહન ચાલકો પાણીમાં ફસાયા હતા. તો નિંચાણ     વાળા વિસ્‍તારોમાં પાણી ભરાતા લોકો મુશ્‍કેલીમાં મુકાયા હતા.