Main Menu

લ્‍યો બોલો : વન વિભાગને સિંહને શ્રદ્ધાંજલિ આપવામાં પણ વાંધો

ખાંભા, તા.પ

દલખાણીયા રેન્‍જમાં સિંહોના થયેલ મોત બાદ સિંહ પ્રેમીઓ દ્વારા સાસણ ખાતે રખાયેલ શ્રઘ્‍ધાંજલિ કાર્યક્રમમાં વન વિભાગે અટકાવતા રોષ ઉભો થયો.

વેરાવળના જાગૃત પ્રકૃતિ પ્રેમી રજાકભાઈ બ્‍લોચ દ્વારા ગીરમાં એકી સાથે ર3 સિંહોનામોત-કમોતના બનાવ બાદ સિંહોના આત્‍માની શાંતિ માટે અને સિંહોની સુરક્ષા માટે હિન્‍દુ વિધિ પ્રમાણે હવન તથા મુસ્‍લિમ વિધિ માટે કુરાનની આયાતનો કાર્યક્રમનું અગાઉથી વન વિભાગને જાણ કરતો પત્ર લખી તા.4/10ના રોજ આયોજન કરવામાં આવેલ.

જે અન્‍વયે સિંહ સદન નજીક મંડપ પણ નાખી દેવામાં આવેલ છતાં વન વિભાગે પોતાનું પાપ છુપાવવા રાતોરાત મંડપ કઢાવી નાખતા આયોજક દ્વારા સિંહના ફોટા સાથે વિસાવદરના ધારાસભ્‍ય હર્ષદભાઈ રીબડીયાની આગેવાનીમાં રામ ધૂન સાથે રેલી કાઢી જાહેર રોડ ઉપર સાસણ વન વિભાગની દિવાલ નજીક સિંહનો ફોટો રાખી મંત્રોચ્‍ચાર સાથે કુરાનની આયાત પઢી સિંહોના આત્‍માની શાંતિ માટે અને સુરક્ષા માટે કાર્યક્રમ કરવામાં આવેલ.

આ કાર્યક્રમમાં ધારાસભ્‍ય ભગાભાઈ બારડ, ભીખુભાઈ બાંટાવાળા, રજાકભાઈ બ્‍લોચ, અફઝલ પટણી, ધર્મેશ જેઠવા, સુરેશ મકવાણા, ભરત રાઠોડ, મહેશ કામળીયા, પરશોતમ આંબલીયા સહિત વિશાળ સંખ્‍યામાં સ્‍થાનિક તથા બહારથી આવેલ સિંહ પ્રેમીઓ ઉપસ્‍થિત રહેલ.