Main Menu

ભાકોદર ગામમાંથી સ્‍વાન એલ.એન.જી. કંપની હટાવવા બેઠક યોજાઈ

               ભાકોદર ગામ માટે કોઈ પણ બાબતમાં ઉપયોગી નથી તેમ છતા ગામનું ગૌચરણ વાળીને ગામજનો સામે તંત્રનો બળ પ્રયોગ કરતી સ્‍વાન એલ.એન.જી. કંપનીને હટાવવા માટે છેલ્‍લા એક માસથી ચાલતા આંદોલનને ગુજરાત જનચેતના પાર્ટીના મનુભાઈ ચાવડાનું ખુલ્‍લુ સમર્થન હોઈ આ આંદોલનમાં પ્રતીક ધરણા યોજવા અનેક વાર મંજૂરી માટે લેખિત અરજી છતા તંત્ર કંપની તરફેણમાં મંજૂરી આપતું નથી. તેથી ગામજનોની હિંમત અને લડત મકકમ બને એ હેતુ જીજેપી રા. મહામંત્રી અશોકભાઈ ભાલીયા, સામાજિક અગ્રણી મુકેશભાઈ કાંબડ, જીજેપી અમરેલી જિલ્‍લા પ્રમુખ ભાણાભાઈ ગુજરીયા, યુવા અગ્રણી અજયભાઈ શિયાળ, વરાહ સ્‍વરૂપ પત્રકાર ભરતભાઈ સહિત ખૂબ મોટી સંખ્‍યામાં ગામજનોની મિટીંગ મળી હતી. અશોકભાઈ ભાલીયાએ ગામની એકતા, આંદોલનની તાકાત, ન્‍યાયની સંભાવના સાથે મકકમ મનોબળ રાખી આંદોલનનું નેતૃત્‍વ કરતાં આગેવાનો પર ભરોસો રાખી લડત મજબૂત રીતે ચાલુ રાખવા હાંકલ કરી હતી. વીકટરના અજયભાઈ શિયાળે આક્રોશ સાથે ભાકોદરની લડત યોગ્‍ય છે માટે લડતને સફળતા     મળવાનોગામજનોને આશાવાદ રાખવા જણાવ્‍યું હતું. ભરતભાઈએ જમીન સર્વે મુદે સરકારી તંત્રની પોલ છતી કરી. માજી સરપંચ મેઘાદાદા, પાંચાભાઈ, રામજીભાઈ, બચુભાઈ વગેરેએ લડત સંબંધી ગામહિતની વાત કરી. ખૂબ મોટી સંખ્‍યામાં ગામજનોએ ઉપસ્‍થિત રહી સ્‍વાન કંપની હટાવવા નિર્ધાર કર્યો હતો.



« (Previous News)