Main Menu

લાઠીમાં જાનબાઈ દેરડી ગામનાં દુષ્‍કર્મ કેસનાં આરોપીને 10 વર્ષની સજાનો હુકમ કરાયો : સ્‍પેશ્‍યલ પોકસો કોર્ટે આકરી સજા ફટકારી

ભાઈને મારી નાંખવાની ધમકી આપી તરૂણી સાથે કર્યુ હતું દુષ્‍કર્મ

લાઠીમાં જાનબાઈ દેરડી ગામનાં દુષ્‍કર્મ કેસનાં આરોપીને 10 વર્ષની સજાનો હુકમ કરાયો

સ્‍પેશ્‍યલ પોકસો કોર્ટે આકરી સજા ફટકારી

અમરેલી, તા. 4

લાઠી તાલુકાનાં જાનબાઈ દેરડી ગામે રહેતાં એક રત્‍ન કલાકારે દોઢેક વર્ષ પહેલાં રાત્રીનાં સમયે તરૂણીને તેના ભાઈને મારી નાંખવાની ધમકી આપી તેણીની ઈચ્‍છા વિરૂઘ્‍ધ શરીર સંબંધ બાંધી દુષ્‍કર્મ ગુજારવાનાં કેસમાં આરોપીને અત્રે સ્‍પે. પોકસો કોર્ટમાં 10 વર્ષની સજા અને રૂા.ર7 હજારનાં દંડની સજાનો હુકમ કર્યો હતો.

આ બનાવમાં લાઠી તાલુકાનાં જાનબાઈ દેરડી ગામે રહેતી એક તરૂણી ગતતા.16-4-17 નાં રોજ રાત્રીનાં સમયે પોતાના ઘરમાં સુતી હતી ત્‍યારે તે જ ગામે રહેતો અને હીરા ઘસવાનું કામ કરતો જગદીશ ભવાન ઉર્ફે ભલાભાઈ જાદવ નામનો શખ્‍સ તેણીનાં રૂમમાં ઘુસી આવ્‍યો હતો અને તેણીનાં મોઢે ડુચો દઈ ધમકી આપેલ કેતારા ભાઈને જીવતો જુઓ છે તો હું કહું તેમ કરી અને તારા કપડા કાઢી નાંખ આ તરૂણીનાં પિતા પણ ન હોય, જેથી ડરી જઈ આરોપીનાં કહેવા પ્રમાણે કરતાં તેણીની ઈચ્‍છા વિરૂઘ્‍ધ આરોપીએ બળાત્‍કાર કરી શરીર સંબંધ બાંધેલ હતો.

ત્‍યારે બાદ અવારનવાર તેણીનેઆરોપી હેરાન પરેશાન કરતો હોય અને તેણીની ઈચ્‍છા વિરૂઘ્‍ધ જબરજસ્‍તી પણ કરતો હોય, વળી આરોપીનાં પરિવારવાળા પણ પૈસે ટકે સુખી હોય, અને લાગવગ વાળા હોય, જેથી આ તરૂણી ડરી જવા પામેલ. આથી કંટાળી જઈ તેણીએ પોલીસમાં ફરિયાદ નોંધાવી હતી.

આ બનાવ અંગેનો કેસ અત્રેની સ્‍પે. પોકસો કોર્ટમાં ચાલી જતાં સ્‍પે. જજ એન. પી. ચૌધરીએ સરકારી વકીલ એમ. બી. સોલંકીની દલીલો માન્‍ય રાખી આરોપી જગદીશને કસુરવાન ઠરાવી કલમ 376(ર) એન.માં 10 વર્ષની સખત કેદ અને રૂા.10 હજાર દંડ કલમ પ06(ર)માં ર વર્ષની સાદી કેદ તથા રૂા.ર હજારનો દંડ જયારે પોકસો-4માં 7 વર્ષની સખત કેદ અને રૂા.પ હજાર દંડ જયારે પોકસો-6માં 10 વર્ષની સખત કેદ અને રૂા.10 હજાર દંડની સજાનોહુકમ કર્યો હતો.