Main Menu

ધારીનાં ગઢીયા ગામનાં યુવકની હત્‍યા કરી લાશ દાટી દીધી

મહુવાનાં ભાણવડ ગામનાં નવ શખ્‍સોએ હત્‍યા કર્યાનો આરોપ

ધારીનાં ગઢીયા ગામનાં યુવકની હત્‍યા કરી લાશ દાટી દીધી

પ્રેમ પ્રકરણને લઈને યુવકનું ર મહિના પહેલા અપહરણ કરવામાં આવ્‍યું હતું

ધારી પોલીસે હાલ 3 આરોપીઓની અટકાયત કરી વધુ તપાસ શરૂ કરી છે

અમરેલી, તા. 4

ધારી તાલુકાનાં ગઢિયા ગામનાં એક યુવાનનું બે માસ પહેલા પ્રેમ-પ્રકરણ બાબતે મહુવાના ભાણવડ ગામનાં નવ શખ્‍સોએ અપહરણ કરી લઈ જઈ યુવાનને જીવતો સળગાવી નાખ્‍યા બાદ માનવ કંકાલ મળીઆવતા પોલીસે હત્‍યાનો ગુન્‍હો નોંધી ત્રણ શખ્‍સોની અટકાયત કર્યાની બનેલ ઘટનાથી ભારે સનસનાટી મચી ગયેલ હતી.

પ્રાપ્‍ત વિગત મુજબ ધારી તાલુકાનાં ગઢિયા ગામનાં નિતેશ ભૂપતભાઈ પાટડીયા ઉ.વ. રર નામનાં યુવાનને મહુવા તાલુકાનાં ભાણવડ ગામની પન્‍ના મનુભાઈ ભુંકણ નામની યુવતી સાથે પ્રેમ સંબંધ હોવાના કારણે ગત તા.4/8/ર018 નાં રોજ સવારનાં 8/30 કલાકે (1) ભાવેશ ભુંકણ (ર) બાધુ ભુંકણ (3) ભયલુ ભુંકણ (4) ભોલા કામળીયા (પ) પ્રતાપ ભુંકણ (6) શેલાર ભુંકણ (7) ભરત ભુંકણ (8) હરેશ ભુંકણ (9) શકિત ભુંકણ તમામ રે. ભાણવડ તા.મહુવા તેમજ (10) સુરેશ વાળા રે. ગઢિયા તા.ધારી વાળા શખ્‍સોએ યુવાનને પન્‍ના સાથે લગ્ન કરી આપવાની લાલચ આપી અગાઉ કરેલ આયોજન મુજબ ભાણવડ બોલાવી મારમારી અપહરણ કરી લઈ ગયાની ફરિયાદ ભુપતભાઈ દાનાભાઈ પાટડીયાએ ગઈકાલે ધારી પોલીસમાં નોંધાવેલ હતી.

ઘટના અંગે ધારી પી.એસ.આઈ. કે.ડી. ગોહિલે ભાણવડ ગામે જઈ આરોપીઓની પુછપરછ હાથ ધરતા અપહરણ કરાયેલા નિતેશ પાટડીયાને જીવતો સળગાવી નાખ્‍યાની હકીકત ખુલેલ હતી. અને જીવતાં સળગાવવામાં આવેલ ઘટના સ્‍થળેથી પોલીસને માનવ કંકાલ (હાડપિંજર) હાથ લાગતાં તે કબ્‍જે લઈ ફોરેન્‍સીક લેબોરેટરીમાં રીપોર્ટ સાથે મોકલવામાં આવ્‍યા બાદ પોલીસે હત્‍યામાં સંડોવાયેલા દશ શખ્‍સોમાંથી (1) સુરેશ વાળા રે. ગઢિયા (ર)સેલાર આપા ભુંકણ રે. ભાણવડ અને (3) બાધુ ભુંકણ રે. ભાણવડ વાળા સહિત ત્રણની ધરપકડ કરવામાં આવેલ હતીે.