Main Menu

અમરેલી પંથકનાં ખેડૂતોને વડી સિંચાઈયોજનામાંથી પિયતનું પાણી આપવા માંગ : ખેડૂત હિત રક્ષક સમિતિએ ધોકો પછાડયો

સત્તાધારી પક્ષનાં આગેવાનોનાં ઈશારે અધિકારીઓ કામ કરતા હોવાનો આક્ષેપ

અમરેલી, તા.4

ચાલુ સાલ ભયંકર દુષ્‍કાળનો સામનો કરી રહેલ જગત તાતને પિયત પાણીની જરૂરિયાત હોય ત્‍યારે ભહિટલર શાસનભ સરકારના ભ્રષ્‍ટ બાબુઓ ખેડૂતોને ચકડોળે ચડાવવા હેરાન, પરેશાન કરવામાં કોઈ કચાશ છોડતા નથી. માંગવાપાળ ડેમ માત્ર ખેતી માટે પિયત પાણીઆપવાની યોજના છે. સરકાર પ્રેસ-મીડિયાના માઘ્‍યમથી મસ મોટી જાહેરાતો કરે છે. જે પાણી સંગ્રહ હોય તે સત્‍વરે ખેડૂતને પિયત માટે પાણી છોડાશે. સ્‍થાનિક બાબુઓ પાણી છોડવાની મંજૂરી સરકારમાંથી આવેલ નથી. ખેડૂતો ઈરીગેશન વિભાગમાં જાય તો કલેકટરની મંજૂરી નથી. કલેકટરમાં જાય તો ત્‍યાંથી પાણી છોડવાની જવાબદારી ઈરીગેશનની છે. માત્ર ફુટબોલની જેમ પિયત પાણી માટે વલખા મારતા જગત તાતને ફંગોળવા સિવાય કંઈ કરતા નથી. ખેડૂતોની હામી હોવાનો દંભ કરતી રાક્ષસી વિચારધારાની ભાજપ સરકારના સતા લાલચુ, લેભાગુ આગેવાનો, નેતા અને વચેટીયાના ઈશારે સરકારી બાબુઓ નાચે છે. આવા ગુમરાહ કરનાર ભ્રષ્‍ટ ભાજપના આગેવાનની મેલી મુરાદ હોવાથી ખેડૂતો પિયત પાણીની માંગ સાથે ગાંધી ચિંઘ્‍યા રાહે આંદોલનના ભાગરૂપે તાળાબંધી, નેતાઓને ઘેરાવ કરવા, રસ્‍તા રોકો, ઉપવાસ જેવા આંદોલનની જાહેરાત કરેલ. ત્‍યારેઈરીગેશનના જવાબદાર અધિકારીએ જણાવેલ કે તા.ર/10ના રોજ પાણી છોડવામાં આવશે. પરંતુ ભાજપના નેતા આગેવાનની પાણી નહીં છોડવાની સુચના મળતા તા.ર/10ના પિયત પાણી છોડવામાં નહીં આવવાથી આજે અમોને ઉપવાસમાં બેસવાની ફરજ પડેલ છે. પાણીનો ત્‍યાગ કરીશું. વિશેષ ખેડૂતની લાગણી છે કે સરકાર દ્વારા હાલ રહેલ પાણી જથ્‍થામાંથી પિયત માટે પાણી છોડી અને ભવિષ્‍યમાં પીવા માટે પાણીની ઘટ પડે તો ગૌરવવંતી સૌની યોજનામાંથી ડેમ ભરવામાં આવે તેવી અમોની લાગણી સહ રજૂઆત છે તેમ ખેડૂત હિત રક્ષકે સીએમને પત્ર પાઠવીને રજૂઆત કરેલ છે.