Main Menu

અમરેલીમાં પાણીને બદલે ધુળનાં વરસાદથી સૌ ત્રાહીમામ

શહેરનાં તમામ રાજમાર્ગો પર ધુળની ડમરીથી રણ જેવો માહોલ

અમરેલીમાં પાણીને બદલે ધુળનાં વરસાદથી સૌ ત્રાહીમામ

ધુળની ડમરી શ્‍વાસ લેવાથી શરીરમાં જઈને શહેરીજનોને પરેશાન કરી રહી છે

અમરેલી, તા. ર

અમરેલી શહેર એટલે અધિકારીઓ અને પદાધિકારીઓ માટે અણમાનીતું શહેર હોય તેમ શહેરની દોઢ લાખની જનસંખ્‍યાને પરેશાન કરવાની હોડ જામી છે.

શહેરમાં છેલ્‍લા 3 વર્ષથી ચાલતા ભુગર્ભ ગટરનું કાર્ય હવે જાહેર માર્ગ પર આવી ચુકયું છે. શહેરનાં નાગનાથ ચોકથી ડો. જીવરાજ મહેતા ચોક અને ત્‍યાંથી ભીડભંજન ચોક સુધી થયેલ ખોદકામ બાદ તાત્‍કાલીક માર્ગ બનાવવામાં ન આવતાં અને હવે  શિયાળાનું આગમન થયું હોય સાંજના સમયે સતત ધુળનો વરસાદ થતો હોય શહેરીજનોનાં આરોગ્‍ય પર ગંભીર ખતરો ઉભો થયો છે.

આમ તો શહેરનાં તમામ માર્ગો પર યોગ્‍ય રીતે સફાઈ થતી ન હોય આખો દિવસ ધુળ ઉડતી હોવાથી સૌકોઈ ત્રાહીમામ પોકારી ચુકયા છે. શહેરમાં આમ તો ગલીએ-ગલીએ કહેવાતા આગેવાનો જોવા મળે છે પરંતુ જન સમસ્‍યાને વાચા આપે તેવા એકપણ આગેવાન જોવા મળતા ન હોય શહેરીજનોમાં શાસકો સામે ભયંકર નારાજગી જોવા મળી રહી છે.