Main Menu

અમરેલીની વરસડા બાયપાસ ચોકડી નજીકથી વિદેશી દારૂ સાથે ર ની ધરપકડ

એસપીની સૂચનાથી એસઓજીનો સપાટો

અમરેલીની વરસડા બાયપાસ ચોકડી નજીકથી વિદેશી દારૂ સાથે ર ની ધરપકડ

ટ્રક સહિત રૂપિયા 6.ર લાખનો મુદ્યામાલ કબ્‍જે

અમરેલી, તા. ર

અમરેલી પોલીસ અધિક્ષકે અમરેલી જિલ્‍લામાં ગેરકાયદેસર પરપ્રાંતિય વિદેશી દારૂ અંગેની ચોરી છુપીથી હેરાફેરી કરતાં અને પરપ્રાંતિય વિદેશી દારૂનું વેચાણ કરતાં ઈસમો તેમજ જિલ્‍લાનાં પ્રોહીનાં લીસ્‍ટેડ બુટલેગર્સની પ્રવૃતિ અંગે વોચ રાખવા અને વધુમાં વધુ વિદેશી દારૂનાં કેસો કરવા સૂચના આપેલ હોયજે અન્‍વયે એસ.ઓ.જીના પોલીસ સબ ઈન્‍સ. આર. કે. કરમટા તથા ટીમ એસ.ઓ.જી.એ અમરેલી લાઠી બાયપાસ ચોકડી લાલાવાવ હનુમાન પાસેથી ભારતીય બનાવટનાં વિદેશી દારૂના જથ્‍થા સાથે (1) અકબર અલારખભાઈ દલ, ઉ.વ. ર4, ધંધો ડ્રાઈવીંગ, રહે. ગારીયાધાર, નવાગામ રોડ, મંત્રી સોસાયટી, મફતપરા (ર) હુશેન ઉર્ફે ભીખો કાળુખાન ભોજવાણી, ઉ.વ. ર1, ધંધો- ડ્રાઈવીંગ રહે. બાબરા કરિયાણા રોડ ટેલીફોન એક્ષચેન્‍જ ઓફીસને ભારતીય બનાવટનાં વિદેશીદારૂની ઓફીસર ચોઈલ કલાસીક વ્‍હીસ્‍કી 180 મી.લી.ની બોટલ નંગ-ર8 કુલ કિં.રૂા.રર1ર મોબાઈલ નંગ-01 કિ.રૂા.પ00 તથા અશોક લેલન્‍ડ ટોરસ ટ્રક કિ.રૂા.6,00,000 સાથે કુલ મુદ્યામાલ રૂા.6,0ર,71રનો મુદ્યામાલ મળી આવેલ છે. ઉપરોકત આરોપીઓ સદરહું ભારતીય બનાવટનો વિદેશી દારૂ કોની પાસેથી લાવેલ છે, તે બાબતે આગળની વધુ તપાસ અમરેલી તાલુકા પોલીસ ચલાવી રહેલ છે.