Main Menu

અમરેલી જિલ્‍લામાં દુષ્‍કાળનાં એંધાણથી ચિંતાનો માહોલ

જિલ્‍લાને અછતગ્રસ્‍ત જાહેર કરવાની ઠેર-ઠેર માંગ ઉભી થઈ

અમરેલી જિલ્‍લામાં દુષ્‍કાળનાં એંધાણથી ચિંતાનો માહોલ

અપુરતા વરસાદથી કપાસ, મગફળી, બાજરો, જુવાર તેમજ કઠોળનાં પાકને વ્‍યાપક નુકશાન

લાઠી, બાબરા, ધારી, સાવરકુંડલા, અમરેલી સહિત ઠેકઠેકાણેથી માંગ ઉભી થઈ રહી છે

અમરેલી, તા. ર

અમરેલી જિલ્‍લામાં અપુરતા વરસાદથી ખેતીપાકોને જબ્‍બરૂ નુકશાન થયું હોય જિલ્‍લાને તાત્‍કાલીક અછતગ્રસ્‍ત જાહેર કરીને ખેડૂતો, ખેતમજુરો, પશુપાલકોને તમામ મદદ કરવાની માંગ ઠેર-ઠેરથી ઉભી થઈ રહી છે.

લાઠી ખાતે ખેડૂતોએ પ્રાંત અધિકારી મારફત મુખ્‍યમંત્રીને આવેદનપત્ર પાઠવેલ છે. તો ગોપાલગ્રામનાં ખેડૂતોએ પણ અછતગ્રસ્‍તની જાહેરાત કરવાની માંગ કરી છે. તો સાવરકુંડલા પંથકનાં કોંગી આગેવાન લાલભાઈ મોર, બાબરા તાલુકા પંચાયતનાં ઉપપ્રમુખ કિશોરભાઈ દેથોલીયા સહિતનાં આગેવાનોએ જિલ્‍લા માટે રોજગારી, પાણી,ઘાસચારાની તાકીદે વ્‍યવસ્‍થા કરવા માંગ કરી છે.

અત્રે એ ઉલ્‍લેખનીય છે કે, જિલ્‍લાનાં સત્તાધારી પક્ષનાં અને ખેડૂતોનાં હિતેચ્‍છુ હોવાની ગુલબાંગો ફેંકતા નેતાઓ ખેડૂતની મદદમાં આવતા નથી. સૌથી આશ્ચર્યજનક બાબત એ છે કે, અમરેલીનાં જ રૂપાલા કેન્‍દ્રમાં કૃષિમંત્રી હોવા છતાં જિલ્‍લાનાં કૃષિકારોની હાલત અતિદયનીય બનીછે.