Main Menu

સાવરકુંડલાનાં હાથસણી માર્ગ પર ડીવાઈડર બનાવવામાં ગેરરીતિનો આક્ષેપ

સાવરકુંડલા, તા.1

સાવરકુંડલા શહેરના હાથસણી રોડથી રાધેશ્‍યામ સોસાયટી સુધીના રોડ ડીવાઈડરનું કામ નબળુ થયેલ છે. આ કામમાં વપરાયેલ મટીરીયલ્‍સ હલકી ગુણવતાનું છે. વળી આ કામ જે એજન્‍સીને સોંપવામાં આવેલ છે તેના પેટા કોન્‍ટ્રાકટર દ્વારા ખૂબ જ હલકી કક્ષાનું મટીરીયલ્‍સ વાપરી ટેન્‍ડર મુજબ કામ ન કરી સરકારના નાણાનો મોટાપાયેભ્રષ્‍ટાચાર કરેલ છે. આ કામ ટેન્‍ડર મુજબ નહીં પરંતુ કોન્‍ટ્રાકટરની મનમાની મુજબ કરવામાં આવેલ છે. તો આ અંગે ત્‍વરિત વિજીલન્‍સ તપાસ કરી આ કામનું પેમેન્‍ટ અટકાવી દોષીતો સામે પગલા લેવા બ્રહ્મસેનાના પ્રમુખ ઘનશ્‍યામભાઈ બોરીસાગરે માંગ          કરી છે.