Main Menu

અમરેલીનાં પટેલ શૈક્ષણિક સંકુલમાં ‘ફાર્મસી-ડે’ની ઉજવણી

અમરેલી જિલ્‍લા લેઉવા પટેલ ચેરીટેબલ ટ્રસ્‍ટ સંચાલિત શ્રીમતિ શાંતાબેન હરિભાઈ ગજેરા શૈક્ષણિક સંકુલ ખાતે આવેલ ફાર્મસી કોલેજની તમામ વિદ્યાર્થીનીઓ દ્વારા ફાર્મસી ડેની ઉજવણી કરવામાં આવેલ. વિશ્‍વ ફાર્મસી ડેની ઉજવણીમાં વિદ્યાર્થીનીઓએ પોતે તૈયાર કરેલ ચાર્ટ, કેપ્‍સ્‍યુલ, ટેબલેટ, ટયુબ જાતે બનાવી પ્રદર્શિત કરેલ. કોલેજની તમામવિદ્યાર્થીનીઓએ તમામ દર્શકોને વ્‍યવસ્‍થિત રીતે સમજાવેલ. પ્રદર્શનનું ઉદઘાટન હોસ્‍ટેલ ડાયરેકટર વલ્‍લભભાઈ રામાણીએ કરેલ. સાથે નિયામક મનસુખભાઈ ધાનાણી, કેમ્‍પસ ડાયરેકટર ચતુરભાઈ ખુંટ, પ્‍લાઝા ડાયરેકટર બ્રિજેશભાઈ પલસાણા, કોલેજના પ્રિન્‍સિપાલ તથા તમામ સ્‍ટાફ હાજર રહેલ. સંકુલની તમામ વિદ્યાર્થીનીઓ તેમજ સ્‍ટાફે સવારના 10 થી સાંજના પ સુધી પ્રદર્શન નિહાળેલ. વિદ્યાર્થીનીઓ અભ્‍યાસ કરતા કરતા પ્રેકટીકલ વર્ક રજૂ કરીને પોતાની શકિત રજૂ કરે તેમાંથી તેમને ઘણું શીખવાનું મળે છે. તમામ કાર્યક્રમમાં ફાર્મસી કોલેજની વિદ્યાર્થીનીઓ દ્વારા સંચાલન કરેલ તેમ સંસ્‍થા વતી વલ્‍લભભાઈ રામાણીની યાદીમાં જણાવાયું છે.