Main Menu

ખેતરોમાં વરસાદ અને વીજળીનાં વાંકે ઉભો પાક બળી રહૃાો હોય ખેડૂતોમાં રોષ ઉભો થયો છે

પીજીવીસીએલનાં અધિકારીઓ ઉડાઉ જવાબ આપતાં હોવાની રાવ

રાજુલા, જાફરાબાદ, ખાંભા પંથકમાં ખેડૂતોમાં વીજપ્રશ્‍ને રોષ

ખેતરોમાં વરસાદ અને વીજળીનાં વાંકે ઉભો પાક બળી રહૃાો હોય ખેડૂતોમાં રોષ ઉભો થયો છે

જગતાત ગણાતા ખેડૂતો વીજળીની માંગ સાથે આમથી તેમ ભટકી રહૃાા છે

અમરેલી, તા. 1

એક તરફ સરકાર ખેડૂતો માટે સિંચાઈનું પાણી આપવાની વાતો કરે છે ત્‍યારે બીજી તરફ પુરતી      વીજળી ન મળવાથી ખેડૂતો પીજીવીસીએલ કચેરીએ હલ્‍લાબોલ કરતી હોવાની ઘટના અમરેલી જીલ્‍લાનાં ખેડૂતોમાં જોવા મળી રહી છે. ખેડૂતોને ખેતીવાડીમાં વીજળી નહી     મળતા જાફરાબાદ તાલુકાનાં 3 ગામોનાં 100થી વધુ ખેડૂતો રાજુલા રૂરલ પીજીવીસીએલ કચેરીમાં પહોંચી હલ્‍લાબોલ મચાવી ઉગ્ર વિરોધ દર્શાવી રોષ વ્‍યકત કર્યો હતો. બાદ આજ ખેડૂતોને જાફરાબાદ પીજીવીસીએલ કચેરીખાતે હોબાળો કર્યો હતો.

અમરેલી જિલ્‍લામાં 10 દિવસથી પીજીવીસીએલ તંત્ર ખેડૂતોને બાનમાં લેતું હોય તેમ પ્રથમ ધારી ત્‍યારબાદ ખાંભા અને હવે જાફરાબાદ તાલુકાના સરોવડા, કાતર, બારપોળી સહિત ગામોનાં ખેડૂતોમાં રોષ ફાટી નીકળ્‍યો છે. ખેતીવાડીની વીજળી નિયમીત નહીં મળતા ખેડૂતોનો પાક નિષ્‍ફળ જવાની શકયતાના કારણે ખેડૂતો ઉશ્‍કેરાય ગફા હતા અને પીજીવીસીએલ કચેરીમાં ઉગ્ર રજુઆત કરી હતી. જો કે આ ગામો રાજુલા-જાફરાબાદ તાલુકાની વચ્‍ચે આવેલા છે જેના કારણે અધિકારીઓ એકબીજાની ઓફીસ પર ખો આપતા હોય છે. જેના કારણે ખેડૂતોમાં પણ ભારે રોષ જોવા મળ્‍યો હતો. ખેડૂતોએ રીતસર પીજીવીસીએલનાં ડેપ્‍યુટી ઈજનેરને વીજળી માટે તતડાવી નાખ્‍યા હતા. પીજીવીસીએલ તંત્રએ પણ વીજળી યોગ્‍ય રીતે મળવાની ફરત હૈયાધારણા આપતા ત્રણેય ગામના ખેડૂતો જાફરાબાદ પીજીવીસીએલ કચેરી ખાતે પહોંચીને ત્‍યાં પણ હલ્‍લાબોલ કર્યો હતો. જાફરાબાદ પીજીવીસીએલ કચેરીમાં ખેડૂતોએ ઉગ્ર રોષ વ્‍યકત કર્યો હતો. ત્‍યારબાદ પીજીવીસીએલના અધિકારીઓએ ર દિવસમાં અલગ ફીડરમાં લાઈન આપી યોગ્‍ય કરવાની ખાતરી આપતા મામલો થાળે પડયો છે. હજુ ર દિવસ બાદ પરિણામ નહીં આવે તો આ ખેડૂતોનો ઉભો પાક બળવાની સંભાવનાથી ખેડૂતો આગામી દિવસોમાં વધુ ઉગ્ર બને તેવી શકયતામનાય રહી છે.

ખાંભા

ખાંભા તાલુકામાં પાછલા ઘણા સમયથી પીજીવીસીએલ ઘ્‍વારા અન્‍યાય કરવામાં આવતો હોય છે અને નાનુડી ફીડરમાં અવાર-નવાર વીજળી કાપી નાખવામાં આવતી હોય છે. ત્‍યારે નાનુડી ફીડર નીચે ભાડ, નાનુડી, વાંકીયા સહિત ગામના ચાર હજાર કરતા વધારે ખેડૂતના ખેતીવાડી વીજ કનેકશન આવેલા હોય ત્‍યારે છેલ્‍લા બે મહિનાથી પીજીવીસીએલ ઘ્‍વારા વીજ પુરવઠો આપવામાં હેરાનગતિ કરવામાં આવતી હોય છે અને સરકારના નિયમ પ્રમાણે 10 કલાકને બદલે પ કલાક જ વીજળી આપવામાં આવે છે. એ પણ અપુરતો અને ઝટકામાં આપવામાં આવે છે અને આમ વીજપુરવઠો ન મળવાથી ખેડૂતોનો ઉભો પાક સુકાઈ છે અને સિંગલ ફેઈઝમાં તો વીજળી આપવામાં આવતી નથી અને ખાંભા તાલુકા તદન ગીર જંગલની નજીક હોવાથી જંગલી જનાવરોના ત્રાસથી ખેડૂતો ત્રાહિમામ પોકારી ઉઠયા છે. અને પુરતો વીજપુરવઠો ન મળવાથી ખેડૂતોનો પાક સુકાઈ અને પુરતી નીપજ પણ આવતી નથી અને સરકાર ખેડૂતો માટે ખોટા બણગા ફૂંકે છે અને વરસાદ ન થતાં ખેડૂતોનો પાક સુકાઈ રહૃાો છે. ત્‍યારે પીજીવીસીએલ ઘ્‍વારા પુરતો વીજ પુરવઠો ન મળતા ખેડૂતોને રોવાનો વારો આવ્‍યો છે અને એક તો પુરતા ભાવ પણ નથી મળતા. ત્‍યારે ખેડૂત ઘ્‍વારા ચીમકીઓ ઉચ્‍ચારી છે અને આવતા છેલ્‍લા 10 દિવસમાં ખેડૂતોનો પ્રશ્‍નહલ નહિ થાય અને વીજ પુરવઠો પુરતો નહી આપવામાં આવે તો આસપાસના તમામ ખેડૂતો ઘ્‍વારા મામલતદાર કચેરીનો ઘેરાવ કરી અને આત્‍મવિલોપન કરવા ફરજ પડશે તેમ આવેદનપત્રમાં જણાવેલ હતું.