Main Menu

અમરેલી પાલિકાનાં બંધ વોટર વર્કસમાં અજાણ્‍યા શખ્‍સોએ દારૂ છુપાવ્‍યો હતો

પાલિકા પાણી ભરતી ન હોય દારૂડીયાઓએ દારૂ ભર્યો

અમરેલી પાલિકાનાં બંધ વોટર વર્કસમાં અજાણ્‍યા શખ્‍સોએ દારૂ છુપાવ્‍યો હતો

અધિકારીઓ અને પદાધિકારીઓમાં આશ્ચર્ય ઉભુ થયું

અમરેલી, તા. 1

અમરેલીનાં સાવરકુંડલા રોડ ઉપર આવેલ પાલીકાનાં બંધ નવા વોટર વર્કસને શરૂ કરવા માટે થઈ સાંજનાં સમયે નવા બંધ વોટર વર્કસની મુલાકાતે ગયા હતા અને પાલીકા પાસે રહેલ ચાવીથી વોટર વર્કસનાં રૂમ ખોલવા જતાં એકપણ ચાવી તાળામાં નહી લાગતાં આખરે પાલીકા પ્રમુખ જેન્‍તીભાઈ રાણવા તથા અધિકારી ગણે તાળા તોડી અંદરપ્રવેશ કરતાં નગરપાલિકાની માલીકીનાં વોટર વર્કસમાં દેશી દારૂ ભરેલા આશરે 70 થી 7પ જેટલા ડબ્‍બાઓ કોઈ અજાણ્‍યા શખ્‍સોએ છુપાવી અને પાલીકાનાં           તાળાનાં બદલે દારૂનાં ધંધાર્થીનાં તાળા લગાવી દીધા હતા.

બાદમાં પાલીકાનાં સત્તાધીશોએ આજુબાજુનાં વિસ્‍તારમાં તપાસ કરતાં ખુલ્‍લી જગ્‍યામાં પણ કોઈ શખ્‍સોએ દેશી દારૂ બનાવવા માટે ભઠ્ઠીઓ કરી હોવાનું જાણમાં આવતાં તુરંત પોલીસને જાણ કરવામાં આવી હતી.

આ અંગે જેન્‍તીભાઈ રાણવાનાં જણાવ્‍યા અનુસાર અસામાજિક તત્‍વોએ વોટર વર્કસની મોટર, ઈલેકટ્રીક વાયરને પણ નુકશાન કર્યુ હોય, પોલીસ ફરિયાદ કરવા ચીફ ઓફીસરને સૂચના આપી હોવાનું અંતમાં જણાવ્‍યું હતું.



« (Previous News)