Main Menu

અમરેલીમાં મહાત્‍મા ગાંધીની 1પ0મી જન્‍મજયંતિની ઉજવણી થશે

જિલ્‍લાનાં અધિકારીઓની બેઠકમાં કાર્યક્રમ નકકી કરાયો

અમરેલીમાં મહાત્‍મા ગાંધીની 1પ0મી જન્‍મજયંતિની ઉજવણી થશે

મંગળવારે સવારે 7થી 8 પ્રભાતફેરી, સર્વધર્મ પ્રાર્થના, સ્‍વચ્‍છતા અભિયાન કરાશે

સાંજે 6થી 8 સીનીયર સીટીઝન પાર્ક ખાતે જિલ્‍લાકક્ષાની સંગીત સંઘ્‍યા યોજાશે

અમરેલી, તા. 30

મહાત્‍મા ગાંધીજીની 1પ0મી જન્‍મજયંતિ નિમિત્તે ઉજવણી કાર્યક્રમનું આયોજન જિલ્‍લા વહીવટીતંત્ર દ્વારા કરવામાં આવ્‍યું છે. અમરેલી પ્રાંત અધિકારી ડી.એન. સતાણીના અઘ્‍યક્ષસ્‍થાને આ કાર્યક્રમના આયોજન અર્થે બેઠક યોજાઇ હતી.

મહાત્‍મા ગાંધીજીના આદર્શો, વિચારો અને મૂલ્‍યો યુવાનોમાં અને આવનાર પેઢીમાં સંસ્‍કારોનું અસરકારક રીતે સિંચન થાય તે ઉદ્‌ેશ્‍ય સાથે વિવિધ કાર્યક્રમોનું આયોજન કરવામાં આવનાર છે.

તા. ર ઓકટોબર- ર018ને મંગળવારના રોજ સાંજે 6 થી 8 વાગ્‍યા દરમિયાન સીનિયર સીટીઝન પાર્ક-અમરેલી ખાતે જિલ્‍લા કક્ષાનો કાર્યક્રમ યોજાશે. કાર્યક્રમ અંતર્ગત સંઘ્‍યા કાર્યક્રમ અંતર્ગત મહાત્‍મા ગાંધીને પ્રિય ભજનો અને સંગીતસંઘ્‍યા  અંતર્ગત કલાકારો દ્વારા સંગીતમય પ્રસ્‍તુતિ કરવામાં આવશે. જિલ્‍લા માહિતી કચેરી-અમરેલી દ્વારા પસંદ કરવામાં આવેલા કલાકારો ભજનો પ્રસ્‍તુત કરી મહાત્‍મા ગાંધીના સંસ્‍મરણો તાજા કરાવશે.

તા. ર ઓકટોબર- ર018ને મંગળવારના રોજ સવારે 7 થી 8 વાગ્‍યાદરમિયાન ગામ અને શહેરોમાં પ્રભાત ફેરી યોજવામાં આવશે. સવારે 8થી 9 વાગ્‍યા દરમિયાન સર્વધર્મ પ્રાર્થનાના કાર્યક્રમો યોજાશે. 9 થી 9-30 કલાક દરમિયાન મહાત્‍મા ગાંધીજીના વિચારોનું વાંચન કરવામાં આવશે. 9-30 થી 10-30 વાગ્‍યા દરમિયાન સ્‍વચ્‍છતા સફાઇ અંગે મહાનુભાવો દ્વારા સ્‍વચ્‍છતા સંદેશ આપવામાં આવશે.

બેઠકમાં જિલ્‍લા પ્રાથમિક શિક્ષણાધિકારી જાદવ, નગરપાલિકા ચીફ ઓફિસર હુણ, શિક્ષણના ડામોર, મામલતદારો , નાયબ મામલતદાર ભીમાણી, પોલીસ, પંચાયત અને સંબંધિત અધિકારી-કર્મચારીઓ ઉપસ્‍થિત રહ્યા હતા.



(Next News) »