Main Menu

હાશકારો : પીપાવાવ પંથકમાં થયેલ જમીન દબાણ દૂર કરાશે

પીપાવાવનાં સરપંચ અને આંદોલનકારીઓને ખાત્રી આપતા મામલતદાર

હાશકારો : પીપાવાવ પંથકમાં થયેલ જમીન દબાણ દૂર કરાશે

આગામી શુક્રવારે પોલીસ બંદોબસ્‍ત સાથે દબાણ દૂર કરવામાં આવશે

રાજકીય દબાણ આવે છે કે કેમ તેના પર સૌની મીટ મંડાયેલી છે

રાજુલા, તા.ર9

રાજુલા તાલુકાના પીપાવાવ ધામની સરકારી પડતર જમીન પર રાજકીય વગ ધરાવતા ભૂમાફીયાઓ અને જીએચસીએલ કંપની દ્વારા બિનકાયદેસર દબાણો કરી કબજો જમાવ્‍યો હતો. આથી સરપંચ હંસાબેન ગુજરીયા તથા ગામજનો અને અન્‍ય આંદોલનકારીઓ દ્વારા 76 દિવસ સુધી રાજુલા પ્રાંત કચેરી સામે ગુજરાત હેવી કેમીકલ લિમિટેડ કંપની વીકટર અને અન્‍ય ઈસમો વિરૂઘ્‍ધ ઉપવાસ આંદોલન ચલાવ્‍યું હતું. ત્‍યારબાદ રાજુલા પ્રાંત અધિકારી અને મામલતદાર દ્વારા બિનકાયદેસર ઝીંગા ફાર્મના દબાણો દૂર કરવામાં આવ્‍યા હતા અને બાકી રહી ગયેલા દબાણો તથા જીએચસીએલ કંપની દ્વારા કરવામાં આવેલ દબાણો ડીઆરએલઆઈ દ્વારા માપણી થયા બાદ એક અઠવાડિયામાં દબાણો દૂર કરવામાં આવશે તેવી લેખિત બાંહેધરી તા.7/7/18ના રોજ આપી હતી. ત્‍યારબાદ માપણી પૂર્ણ થતા આજે મામલતદાર દ્વારા પીપાવાવ ધામના માજી સરપંચ ભાણાભાઈ ગુજરીયાને લેખિત બાંહેધરી આપતા જણાવ્‍યું હતું કે પીપાવાવ ધામ ગામના સરકારીપડતર જમીનોમાંથી જીએચસીએલ કંપની વીકટર તથા અન્‍ય ઈસમોનું બિનકાયદેસર દબાણ તા.પ/9/18ના રોજ રાજુલા કચેરીના અધિકારી તથા પોલીસ સ્‍ટાફને સાથે રાખીને બિનકાયદેસર દબાણો દૂર કરવામાં આવશે તેવું લેખિત બાંહેધરી આપી જણાવ્‍યું હતું.