Main Menu

અમરેલી જિલ્‍લામાં અસામાજિક પ્રવૃતિઓની બાતમી આપનાર પર હુમલાઓનું પ્રમાણ વધી ગયુ

છાશવારે મારા-મારી અને હુમલાની ઘટના પ્રકાશમાં આવે છે

અમરેલી જિલ્‍લામાં અસામાજિક પ્રવૃતિઓની બાતમી આપનાર પર હુમલાઓનું પ્રમાણ વધી ગયુ

અસામાજિક પ્રવૃત્તિઓની બાતમી આપનારને સુરક્ષા આપવી જરૂરી

અમરેલી, તા.ર9

અમરેલી જિલ્‍લાનાં જુદા-જુદા પોલીસ સ્‍ટેશનમાં એક નવતર પ્રકારની ફરિયાદ થઈ રહી છે. જેમાં પોલીસ વિભાગને કોઈ વ્‍યકિત અસામાજિક પ્રવૃતિ અંગે બાતમી આપનારની ધોલાઈ કરવામાં આવી રહી હોવાનું જાણવા મળેલછે.

અમરેલીના પોલીસ અધિક્ષક તરીકે કડક મિજાજી અને નિષ્ઠાવાન અધિકારી ફરજ બજાવતા હોવાથી જિલ્‍લાનાં જાગૃત નાગરિકો દારૂ, જુગાર જેવી પ્રવૃતિ અંગે પોલીસને બાતમી આપતાં હોય છે. પરંતુ, બાતમીદારને બાદમાં રોષનો ભોગ બનવું પડે છે. આ પ્રકારની ફરિયાદનું પ્રમાણ વધી રહયું હોય બાતમીદારને સુરક્ષા આપવી જરૂરી બની છે.

 

હળીયાદ ગામે જુગારની બાતમીની શંકા રાખી રત્‍ન કલાકારને પથ્‍થર માર્યો

અમરેલી, તા. ર9

બગસરા તાલુકાનાં ઘંટીયાળ ગામે રહેતાં ભરતભાઈ રામજીભાઈએ હળીયાદ ગામનાં રત્‍ન કલાકાર પ્રફુલભાઈ કનુભાઈ દાફડાને કહેલ કે થોડા દિવસ પહેલાં ખોડાભાઈ મનજીભાઈ દાફડાને ત્‍યાં જુગાર અંગે દરોડો પડેલ તેમાં તે બાતમી આપેલ તેમ કહી આ રત્‍ન કલાકારને ગાળો આપી માથાનાં ભાગે પથ્‍થર મારી ઈજા કર્યાની ફરિયાદ બગસરા પોલીસમાં નોંધાઈ છે.