Main Menu

વડીયામાં જી.એસ.એફ.સી ફર્ટીલાઈઝર્સ ડેપો નિદર્શન સભાઓ યોજાઈ

               ગુજરાત સ્‍ટે. ફર્ટી એન્‍ડ કેમી.લી. નાં વડીયા તથા કુંકાવાવ ખાતેના ફર્ટીલાઈઝર્સ ડેપો દ્વારા નિદર્શન સભાઓનું આયોજન કરવામાં આવેલ. આ પાક વિદર્શન સભાઓ બરવાળા બાવીશી મુકામે વિનુભાઈ કુંભાણી અને ખાન ખીજડીયા મુકામે કાળુભાઈ આહીર (ગાધે)ની વાડી પર કપાસના ઉભા પાકમાં યોજવામાં આવી હતી. આ સભામાં જી.એસ.એફ.સી. એડિશનલ રીઝનલ બિઝનેસ હેડ, રાજકોટ, વી.જે. વાછાણી, સિનિયર એરિયા બીઝનેસ હેડ, જુનાગઢ, એચ.ડી. જેઠવા, ડેપો સંચાલક કુંકાવાવ એ.યુ. ડાભી, ગ્રામ સેવક, કુંકાવાવ (વડીયા), પોલિસીલ કંપની, એરિયા મેનેજર, એગ્રોનોમિસ્‍ટ, વીમોક્ષ કંપનીના અધિકારી તથા ઘણા બધા પ્રગતિશીલ ખેડૂતો ઉપસ્‍થિત રભ હતા. આ સભાના આયોજક વડીયા ખાતેના ડેપો ઈન્‍ચાર્જ એચ.ડી. જોષીએ પ્રાસંગિક પ્રવચન કરેલ. તેમણે નિદર્શન પ્‍લોટની સંપૂર્ણ માહિતી ઉપરાંત તેમાંઉપયોગમાં લેવાયેલ કંપનીના સેંદ્રિય તેમજ એગ્રો ઈનપુટ ખાતરોના કપાસના પાકમાં દેખાયેલ ફાયદાકારક પરિણામો ઉપર ખેડૂતભાઈઓનું ઘ્‍યાન કેન્‍દ્રિત કર્યુ હતું. ત્‍યારબાદ અગલ અલગ શાખાના કૃષિ નિષ્‍ણાંતોએ કંપનીના વિવિધ પ્રોજેકટ, એગ્રો ઈનપુટ તથા સુધારેલ બિયારણ તેમજ પાણીની અછતમાં ટપક પદ્વતિની જરૂરિયાત વિશે માહિતી આપી હતી. આ ઉપરાંત જૈવિક, છાણિયા, સેન્‍દ્રીય, કમ્‍પોસ્‍ટ, જીપ્‍સમ જેવા ખાતરોનો મહત્તમ ઉપયોગ અને જમીન ફળદ્રુપતા જાળવી રાખવામાં તથા વધારવામાં તેની ઉપયોગિતા, વધુમાં જમીન તથા પાણીની ચકાસણીની જરૂરિયાત તથા ફાયદાઓથી સૌને માહિતગાર કર્યા હતા. વધુમાં બદલતા જતાં વાતાવરણની ખેતી પર અસરોને ઘ્‍યાનમાં લેતા આગોતરા આયોજન સાથે ખેતીમાં આગળ વધવા અને આધુનિક ખેતીની જરૂરિયાત ઉપર ભાર મૂકયો હતો. અંતમાં જીએસએફસી એરિયા મેનેજરે ડીબીટી  યોજના અંતર્ગત પીઓએસ (પોઈંટ ઓફ સેલ) મશીનની (આધારકાર્ડ અને ફિંગરપ્રિન્‍ટ દ્વારા) રાસાયણીક ખાતરની ખરીદીમાં જરૂરિયાત પર શ્રોતાઓને માહિતગાર કર્યા બાદ ડેપો ઈન્‍ચાર્જે અધિકારીઓ તથા ખેડૂતભાઈઓને આ સભામાં મોટી સંખ્‍યામાં હાજરી આપી લાભ લેવા બદલ આભારવિધિ કરી હતી.



« (Previous News)