Main Menu

ભૈ વાહ : કુંકાવાવમાં ભુગર્ભગટરનું કાર્ય માત્ર કાગળ પર પુર્ણ

કોન્‍ટ્રાકટર, અધિકારીઓ અને પદાધિકારીઓની જબ્‍બરી હિંમત

ભૈ વાહ : કુંકાવાવમાં ભુગર્ભગટરનું કાર્ય માત્ર કાગળ પર પુર્ણ

ગામનાં સરપંચ સહિતનાં આગેવાનોએ 10 દિવસમાં તમામ સમસ્‍યા દુર કરવા માંગ કરી

કુંકાવાવ, તા. ર8

અમરેલી જિલ્‍લામાં ભુગર્ભ ગટરની મોકાણ ગામેગામ ઉભી થઈ છે. જનતા જનાર્દનનાં પરસેવાનાં કરોડો રૂપિયાનું આંધણ થઈ રહૃાું છે છતાં પણ એક પદાધિકારી કે અધિકારી ભુગર્ભ ગટરની ચુંગાલમાંથી જનતાને છોડાવવા ડોકાતા નથી.

અમરેલી, લીલીયા, ખાંભા, બગસરા તેમજ કુંકાવાવમાં ભુગર્ભ ગટરને લઈને વ્‍યાપક નારાજગીનો માહોલ જોવા મળી રહૃાો છે.

કુંકાવાવનાં સરપંચ, હિત રક્ષક સમિતિનાં આગેવાનોએ કલેકટરને આવેદનપત્ર પાઠવીને ભુગર્ભ ગટર અને બિસ્‍માર માર્ગોની સમસ્‍યા દુર કરવા 10 દિવસનું અલ્‍ટીમેટમ  આપેલ છે.

આવેદનપત્રમાં જણાવેલ છે કે, આશરે સાડા ચાર વર્ષથી ભુગર્ભ ગટરનું કામ કરવામાં આવેલ છે. આ કામ હજુ પણ રપ થી 30% કામ અધુરૂ છે છતાં કોન્‍ટ્રાકટર અને પદાધિકારીઓની લિીભગત કરી અધિકારીઓ સાથે મળીને ફાઈનલ બિલ બનાવી નાખેલ છે. તો આ કામ પૂર્ણ થયેલ છે તેવું ગ્રામ પંચાયતનું સર્ટી મેળવેલ છે. કેમ ? અને જો મેળવેલ હોય તો આમા ભ્રષ્‍ટાચાર થયેલ છે. તો આ કામની તુરંત તપાસ કરી જવાબદારો સામે યોગ્‍યપગલા ભરી દિવસ 10માં અધુરૂ કામ પૂર્ણ કરવા જણાવેલ છે.

વધુમાં જણાવેલ છે કે, કુંકાવાવ મોટી ગામમાં દરેક રોડ ભુગર્ભ ગટરના લીધે તોડી નાખવામાં આવેલ છેી આ બધા રોડ આશરે 7000 મિટરના રસ્‍તાઓ ર.74 કરોડનાં ખર્ચે મંજુર થયેલ છે. આ કામના ટેન્‍ડર બહાર પડેલ છે અને 10 માસ પહેલા આ કામની જે તે એજન્‍સીને વર્કઓર્ડર આપવામાં આવેલ છે. આજ દિવસ સુધી કયાં કારણોસર આ કામ કરવામાં આવતું નથી. ગ્રામ પંચાયત ઘ્‍વારા લેખીત અને મૌખિક રજુઆત અનેક વખત કરવામાં આવે છે છતાં કોન્‍ટ્રાકટર અને અધિકારીઓની મિલીભગતને લીધે આ કામ શરૂ કરવામાં આવતું નથી. આથી દોઢ માસ પહેલા રૂબરૂ રજુઆત કરવામાં આવેલ ત્‍યારે કાર્યપાલક ઈજનેર ઘ્‍વારા કહેવામાં આવેલ કે એજન્‍સીને નોટીસ આપેલ છે અને 1પ દિવસના અંતરે 3 નોટીસ આપીને એજન્‍સીને બ્‍લેક લીસ્‍ટમાં મુકીને આ કામના ટેન્‍ડર યુઘ્‍ધના ધોરણે બહાર પાડી દોઢ માસમાં આપના ગામના રસ્‍તાઓનું કામ શરૂ કરવામાં આવશે. તો ગોળ-ગોળ જવાબ આપવામાં આવેલ છે.

વધુમાં જણાવેલ છે કે ઉપરોકત બંને કામો 10 દિવસમાં શરૂ કરવામાં નહી આવે તો કુંકાવાવ હિત રક્ષક સમિતિ તેમજ ગ્રામ પંચાયતનાં સરપંચ અને સભ્‍યો સહિત ઉપવાસ આંદોલન કરવામાં આવશે અને ગામ બંધ રાખવામાં આવશે. તેમ છતાં આ કામશરૂ કરવામાં નહી આવે તો સામુહિક આત્‍મવિલોપન કરવામાં આવશે તેમ અંતમાં જણાવેલ છે.



(Next News) »