Main Menu

અલ્‍ટ્રાટેક સેન્‍ટર પર ‘‘હેલ્‍થ ફોર ઓલ” પ્રોજેકટનો શુભારંભ

સર્વ પ્રથમ કુપોષણ અને એનીમિયા નિયંત્રણ કરાશે

કોવાયા, તા. ર0

અલ્‍ટ્રાટેક સિમેન્‍ટ લિમિટેડ, ગુજરાત સિમેન્‍ટવર્કસ, અને નર્મદા સિમેન્‍ટ વર્કસ જાફરાબાદનાં પસંદ કરેલા દસ ગામોમાં, કુપોષણ અને એનીમિયા નિયંત્રણ કરવા માટે ભભહેલ્‍થ ફોર ઓલભભ પરિયોજનાની શરૂઆત શાસન સ્‍વાસ્‍થ્‍ય વિભાગ સાથે મળીને કરવામાં આવી.

કાર્યક્રમનાં શુભારંભ અવસર પર અલ્‍ટ્રાટેક પ્‍લાન્‍ટનાં વરિષ્ઠ અધિકારી સીતારામ મૂળું એચ, વિવેક ખોશલા, પી. સદાનંદ, ભરત પટેલ, જયેશ પટેલ, વિનોદ શ્રીવાસ્‍તવ તથા શાસનનાં મુખ્‍ય રૂપથી ભેરાઈ પી.એસ.સી.ના ડો. મયુર ટાંક, ડો.ઉર્મિલાબેન કાતરીયા, આયુર્વેદિક ચિકિત્‍સક ડો. હેમાલીબેન રાઠોડ પણ ઉપસ્‍થિત હતા.

કાર્યક્રમમાં ભેરાઈ, બાબરકોટ અને નાગેશ્રી પી.એ.સી.ના ક્ષેત્રમાં આવેલા ગામોમાંથી આંગણવાડી કાર્યકર્તા, હેલ્‍થવર્કર, સુપરવાઈજર, મલ્‍ટીપર્પસ અને અન્‍ય શાસકીય અધિકારી પરિયોજના શુભારંભનાં અવસર પર હાજરી આપીને પોતપોતાના મંતવ્‍યો રજૂ કરી સહમતી દર્શાવી.

ડો. મયુરે પરિયોજનાને તબક્કાવાર સંચાલન કરવાના હેતુથી એમના સૂચનમાં કહૃાું કે શાસન, પ્‍લાન્‍ટ અને સમુદાયનાં સહકારથી જ પરિયોજનાની સફળતા નક્કી કરવામાં આવશે. પ્રબંધનનાં વરિષ્ઠ અધિકારી સીતારામમુળું.એચ, એ કુપોષણ અને એનીમિયાનાં ક્ષેત્રમા કામ કરવા માટે તત્‍પરતા દર્શાવી. સી.એસ.આર. હેડ વિનોદ શ્રીવાસ્‍તવએ કહૃાું કે પરિયોજના ક્ષેત્રના ગામોમાંથી કુપોષણ અને એનીમિયાનીસમસ્‍યાને દૂર થવાથી દુષ્‍પરિણામ પર રોક લગાવવામાં આવશે. કાર્યક્રમનાં સફળ આયોજન હેતુ ગુજરાત અને નર્મદા સિમેન્‍ટ સયંત્ર સી.એસ.આર ટીમમાંથી મનસુખ સાકરીયા, રાજેન્‍દ્ર કુશવાહા, ફાલ્‍ગુની પટેલ, ઈશા દેસાઈ, માંડલિયા પ્રિયંકા, રાહુલ ભટ્ટી, લાખણોત્રા લાભનો સારો એવો સહયોગ રહૃાો.