Main Menu

અમરેલી શહેરમાં ગેરકાયદેસર પ્‍લાસ્‍ટિકનું વેચાણ કે ઉપયોગ કરનાર સામે દંડનાત્‍મક કાર્યવાહી કરાશે

રહેણાંક વિસ્‍તારમાં ઘાસચારાનું વિતરણ કરનાર સામે પણ થશે કાર્યવાહી

અમરેલી, તા.ર0

સરકારના સ્‍વચ્‍છતા અભિયાન અંતર્ગત અને શહેરમાં પર્યાવરણ જાળવણી અંગે શહેરને પ્‍લાસ્‍ટિક મુકતબનાવવા માટે અમરેલી નગરપાલિકા દ્વારા શહેરમાં પ્રતિબંધિત પ્‍લાસ્‍ટિકનો ઉપયોગ, વેચાણ કરતા સામે દંડનાત્‍મક કાર્યવાહી હાથ ધરાશે. સાથો સાથ ઘાસચારો જાહેર કરેલા સ્‍થળો સિવાય વેચાણ કરતાં સામે પણ દંડનાત્‍મક પગલા ભરાશે.

પર્યાવરણનો દુશ્‍મન પ્‍લાસ્‍ટિકનાં દૂષણને ડામી અમરેલી શહેરને પ્‍લાસ્‍ટિક મુકત બનાવવા માાટે અમરેલી નગરપાલિકાના પ્રમુખ જયંતિભાઈ રાણવા તેમજ ચીફ ઓફિસર એલ.જી. હુણ દ્વારા સરકારના સોલીડ વેસ્‍ટ મેનેજમેન્‍ટ રૂલ્‍સ મુજબ અમરેલી શહેરમાં પ્રતિબંધિત પ્‍લાસ્‍ટિકનું વેચાણ કે ઉપયોગ કરનારાઓને અવાર-નવાર તાકીદ કરવા છતાં પણ પ્‍લાસ્‍ટિકનો ઉપયોગ કરનારા સામે સોમવારથી નગરપાલિકાની ટીમ દ્વારા દંડનાત્‍મક કાર્યવાહી હાથ ધરાશે. શહેરના તમામ વેપારીઓ, નગરજનોએ સ્‍વચ્‍છતા અને પર્યાવરણ

બચાવવા સ્‍વયં જાગૃતતા કેળવી પ્‍લાસ્‍ટિકના ઉપયોગને તિલાંજલી આપી પોતાની નૈતિક ફરજ બજાવી દંડનાત્‍મક કાર્યવાહીથી બચી શહેરમાં સ્‍વચ્‍છતા જાળવવામાં સહભાગી બનવા જાહેર અપીલ કરવામાં આવે છે. સાથો સાથ નગરપાલિકા દ્વારા જાહેરમાં ઘાસચારો વેચાણ કરવા માટે જાહેર કરવામાં આવેલ સ્‍થળો સિવાયના    સ્‍થળો કે સોસાયટી વિસ્‍તારોમાં કોઈપણ ઈસમ ઘાસચારાનું વેચાણ કરતાં જણાશે તો તેમની સામે પણ દંડનાત્‍મક કાર્યવાહી હાથ ધરાશે.