Main Menu

પેટ્રોલ-ડીઝલનાં ભાવોને લઈને રોષની આંધી

આગામી તહેવારોમાં ગરીબો અને મઘ્‍યવર્ગીય પરિવારો પરેશાન થશે

પેટ્રોલ-ડીઝલનાં ભાવોને લઈને રોષની આંધી

સોશ્‍યલ મીડિયામાં ભાજપ સરકાર પર ટીકાઓનો વરસાદ થઈ રહૃાો છે

અમરેલી, તા. 18

યુપીએ સરકારનાં શાસનમાં પેટ્રોલ-ડીઝલનાં ભાવ વધારાનો પ્રબળ વિરોધ કરનાર ભાજપનાં આગેવાનો આજે શાસનમાં છે અને પેટ્રોલ-ડીઝલનાં ભાવો ઐતિહાસિક રીતે વધી રહૃાા હોય દેશની જનતામોંઘવારીમાં સપડાઈ ચુકી હોય છતાં પણ ભાજપનાં આગેવાનો હવે ભાવ વધારાનો લુલો બચાવ કરી રહૃાાં છે.

ભાજપ સરકારનાં પ્રધાનો કહે છે કે, પેટ્રોલ-ડીઝલનાં ભાવ વધારા કે ઘટાડા પાછળ સરકારની કોઈ ભૂમિકા નથી. તો યુપીએનાં શાસનમાં શું કામ ભાવ વધારા સામે હંગામો મચાવવામાં આવતો હતો તેનો ખુલાશો કોઈ કરતું નથી.

પેટ્રોલ-ડીઝલનાં ભાવો સતત વધી રહૃાા હોય આગામી નવરાત્રી, દશેરા, દીવાળીનાં તહેવારોમાં મોંઘવારી ગરીબ અને મઘ્‍યમવર્ગીય પરિવારોની હાલત બગાડશે તેમાં શંકાને સ્‍થાન નથી.

પેટ્રોલ-ડીઝલનાં ભાવ વધારાથી ટ્રાન્‍સપોર્ટેશન ખર્ચ વધવાથી અનાજ, કઠોળ, શાકભાજી, ફ્રુટ, સુકો મેવો, ડેકોરેશન, કપડા સહિતની જીવન જરૂરી ચીજવસ્‍તુઓનાં 10થી લઈને 30 ટકા વધારો થવાની સંભાવનાં જોવા મળી રહી છે.

એક તરફ મોંઘવારી બેકાબુ બની છે તો બીજી તરફ બેરોજગારીએ પણ ઉપાડો લીધો હોય ભાજપ સરકાર શું કરે છે તેની દેશની જનતાને ખબર પડતી નથી. અચ્‍છે દિનનાં સપનાઓ જનતા જનાર્દનનાં ચકનાચુર થઈ રહૃાા હોય તેવું સ્‍પષ્‍ટ જોવા મળી રહૃાું છે.

ભાજપ સરકાર જનતા જનાર્દનનાં હિતમાં નકકર કાર્યવાહી નહી કરે તો આગામી તમામ ચૂંટણીઓમાં જનતા ભાજપને પરાજયનો સ્‍વાદ ચખાડશે તેમાં શંકાને કોઈ સ્‍થાન નથી.