Main Menu

લીલીયા મોટાનાં બુટલેગર ઘનશ્‍યામ ડેરની પાસા તળે અટકાયત કરાઈ

જિલ્‍લા મેજીસ્‍ટે્રટના હુકમનાં આધારે ભુજની પાલારા જેલમાં ધકેલી દેવાયો

અમરેલી, તા.18

લીલીયા મુકામે રહેતા ઘનશ્‍યામ ઉર્ફે ઘનો વિહાભાઈ ડેર, વિરૂઘ્‍ધ પુરતા પુરાવાઓ એકઠાં કરી, પાસા દરખાસ્‍ત તૈયાર કરી, પોલીસ અધિક્ષક અમરેલી મારફતે જિલ્‍લા મેજીસ્‍ટેટ અમરેલી તરફ મોકલી આપતાં પ્રોહિબીશન પ્રવૃતિને કારણે યુવાધન દારૂના સેવનની લતે ચડી આર્થિક અને શારિરિક પાયમાલી તરફ ધકેલતું હોય અને અવી પ્રવૃતિથી સમાજનો વિકાસ રૂંધાતો હોય તેની આવી સમાજ વિરોધી પ્રવૃતિ પર અંકુશ લાવવાનું જરૂરી જણાતાં અમરેલી જિલ્‍લા મેજીસ્‍ટે્રટ આયુષ ઓકએ ઘનશ્‍યામ ઉર્ફે ઘનો વિહાભાઈ ડેર, વિરૂઘ્‍ધ પાસાનું વોરંટ ઈસ્‍યુ કરતાં પોલીસ અધિક્ષકની સૂચના મુજબ અમરેલીએલ.સી.બી. તથા એસ.ઓ.જી.ટીમે કુખ્‍યાત બુટલેગરને અમરેલી મુકામેથી પકડી પાડી પાસા વોરંટની બજવણી કરી, પુરતા પોલીસ જાપ્‍તા સાથે પાલાર (ભુજ) ખાસ જેલ ખાતે અટકાયતમાં રહેવા મોકલી આપવા તજવીજ કરેલ છે.

કુખ્‍યાત બુટલેટરનો ગુન્‍હાહિત ઈતિહાસ :- ઘનશ્‍યામભાઈ ઉર્ફે ઘનો વિહાભાઈ ઉર્ફે વિસાભાઈ ડેર, રહે.લીલીયા (મોટા) લાઠી રોડ, આદર્શ સોસાયટી, તા.લીલીયા, જિ. અમરેલી વાળા વિરૂઘ્‍ધમાં સને – ર01પ થી ર018 દરમ્‍યાન મોટા પાયે ભારતીય બનાવટના વિદેશી દારૂના કબ્‍જા તેમજ હેર-ફેર કરવા અંગેના સાત ગુન્‍હાઓ નોંધાયેલ છે. અને ઉલ્‍લેખનીય છે કે ઘનશ્‍યામ વિહાભાઈ ડેરને તેની આવી પ્રવૃતિના લીધે જ સને-ર016માં વડોદરા મઘ્‍યસ્‍થ જેલ ખાતે પાસામાં ધકેલાયો હતો. ત્‍યાંથી છુટયા બદ પણ તેની પ્રોહિબીશન લગત અસામાજીક પ્રવૃતિ બંધ નહી કરતા ફરી વખત પાસા તળે અટકાયતમાં લેવામાં આવેલ છે.

આમ, આવા માથાભારે અને પ્રોહિ પ્રવૃતિ કરતાં ઈસમો સામે પાસા તળે કાર્યવાહી કરી જેલ હવાલે કરી આવા અસામાજીક પ્રવૃતિ કરતાં ઈસમો સામે ચેતવણીરૂપ કામગીરી કરેલ છે.