Main Menu

લાઠી-લીલીયા પંથકની ‘‘ગાગડીયો” નદીમાં પાણી ભરો

સૌની યોજના અંતર્ગત પાણી ભરવા માંગ

લાઠી-લીલીયા પંથકની ‘‘ગાગડીયો” નદીમાં પાણી ભરો

ગાગડીયા નદી અને તળાવોમાં પાણી ભરવામાં આવે તો અનેક ગામોને ફાયદો થઈ શકે તેમ છે

અમરેલી, તા. 1પ

લીલીયાનાં જાગૃત્ત નાગરિક મનજો જોષીએ મુખ્‍યમંત્રીને પત્ર પાઠવેલ છે.

પત્રમાં જણાવેલ છે કે, અમરેલી જીલ્‍લાનાં લાઠી-બાબરા-લીલીયા તાલુકાનાં ગ્રામ્‍ય વિસ્‍તારમાંથી પસાર થતી ગાગડીયો નદીનો સૌની યોજનામાં સમાવેશ કરવામાં આવેલ છે. તેની અમલવારી કરી ગાગડીયો નદીમાં તાકીદે સૌની યોજનામાંથી પાણી ભરવામાં આવે તેવી સમગ્ર વિસ્‍તારનાં લોકોની માંગ છે.

વધુમાં જણાવેલ છે કે, હરીકૃષ્‍ણ એક્ષ્પોર્ટના માલીક સવજીભાઈ ધોળકીયાએ સમગ્ર અમરેલી જીલ્‍લાની પ્રજા માટે પોતાના આર્થિક સહયોગ અને પુરૂષાર્થથી નમુનેદાર રીવરફ્રંટ ગાગડીયો નદી પર બનાવી અમારા જીલ્‍લાની પ્રજાને નવું પ્રવાસન સ્‍થળ આપેલ છે. જેનો મોટા પ્રમાણમાં લોકો લાભ લઈ રહૃાા છે. તેવા સમયે બાબરા-લાઠી વિસ્‍તારમાં ખૂબ જ ઓછા પ્રમાણમાં વરસાદ પડેલ છે. જેને લઈ એકપણ વાર ગાગડીયો નદીમાં વહેણમાં એકપણ વાર વરસાદી પાણી જથી આવ્‍યા. જેને લઈ સવજીભાઈ ધોળકીયાએ બનાવેલ તમામ સરોવરો ખાલી પડયાછે. તેવા સમયે દાતા પરિવાર ઘ્‍વારા બનાવવામાં આવેલ ગાગડીયો નદી પરના તમામ સરોવરોમાં સૌની યોજનામાંથી યુઘ્‍ધના ધોરણે પહોંચાડી જળ સંગ્રહ કરવામાં આવે તો લાઠી, અકાળા, દુધાળા, પ્રતાપગઢ, ટોડા, મતીરાળા, કૃષ્‍ણગઢ, લુવારીયા સહિતના ર0 જેટલા ગામોનાં પાણીથી મોટો ફાયદો થાય તેમ છે. જેને લઈ સમગ્ર પંથકમાં લોકોને પીવાના પાણી અને ખેડૂતોને ખેતી પાકમાં મોટો ફાયદો થાય તેમ છે. તો તાકીદે સૌની યોજનાની અમલવારી કરી આપના સ્‍થાનેથી યોગ્‍ય કાર્યવાહી કરી ગાગડીયો નદીના વહેણ અને સરોવરોમાં સૌની યોજનામાંથી પાણી પહોંચાડવામાં આવે તો હરીકૃષ્‍ણ એક્ષ્પોર્ટના માલીક સવજીભાઈ ધોળકીયાની સરોવર બનાવવાની લાગણી અને આપની કામગીરીની યશકલગીમાં વધારો થશે અને લોકોની સમસ્‍યા હલ થશે.

તો તાકીદે યોગ્‍ય કાર્યવાહી કરી અમરેલી જીલ્‍લાની ગાગડીયો નદીમાં સૌની યોજના તળે પાણી પહોંચાડો તેવી સમગ્ર વિસ્‍તારના લોકો વતી માંગ કરે છે.