Main Menu

સાવરકુંડલા પંથકમાં પડેલા વરસાદથી મુરઝાતી મૌલાતને નવજીવન મળ્‍યું

અમરેલી, તા. 1પ

અમરેલી જિલ્‍લામાં છેલ્‍લા કેટલાંય દિવસોથી લોકો ચાતક નજરે વરસાદની રાહ જોઈ રહૃાાં છે ત્‍યારે આ મેઘો પણ ચોમાસાની વિદાયની તૈયારીઓ કરતોહોય તેવું વાતાવરણ ઉભું થતાં લોકો નિરાશ થયા છે, ત્‍યારે આજે સાંજનાં સમયે અચાનક વાતાવરણમાં પલટો આવી જતાં સાવરકુંડલા શહેર તથા આજુબાજુનાં વિસ્‍તારોમાં વરસાદ પડતાં જગતાતમાં આશાનું કિરણ જોવા મળી રહૃાું છે.

અમરેલી જિલ્‍લામાં વરસાદની ભારે ખેંચ ઉભી થતાં અને આગામી દિવસોમાં પીવાનાં પાી તથા ખેતરોમાં ઉભા પાકને નિષ્‍ફળ જવાની દહેશત વચ્‍ચે લોકો તથા જગતાત ચિંતામાં ગરક થયા હતા. તેવા સમયે સાવરકુંડલા શહેર તથા આજુબાજુનાં ગાધકડા, લીખાળા, વડાળ, ભેંકરા અને વંડા સહિતનાં ગામો તથા સીમ વિસ્‍તારમાં વરસાદ પડતાં ખેડૂતોમાં તથા લોકોમાં વધુ વરસાદ પડશે અને મુરઝાતી મૌલાત અને પીવાનાં પાણીનો પ્રશ્‍ન હલ થઈ જશે તેવી આશા બંધાય છે. આજના પડેલા વરસાદથી મુરઝાતી મૌલાતને હાલ તુરંત નવજીવન મળ્‍યાનું પણ જાણવા મળી રહૃાું છે.